Mana Mesh Fady Atabtab Adady - منا مش فاضي اطبطب ادادي

[المقدمة: إيسي الوحداني وإسلام كابونجا]
بصوا يا رجالة
إحنا اللي فارقنا الله يسهله
وبكرة الأيام هتذله
ومواقف ياما هتثبتله
إن إحنا ما نتعوضش (ولا)
أنا اللي بيخرج من حياتي ما بيرجعش
آماندو يا عالمي
نور الملاح وأحمد توكتوك بيقولولك
وصلهاله من إمبابة
خش آماندو الله يرضى عنك
ماندو العالمي

[المقطع الأول: إسلام كابونجا]
قلبي على كفوف إيدي رميته
وشرسته وبعدين قسيته
وحولته أنا خالص، قويته
علمته يبيع وما يتباعش
عقلي من الأوهام فوقته
وبلبعتله كيميا أنا وفصلته
شربته المكر وأسسته
عودته إنه ما يستسلمش
والضربة اللي آذتني زمان
بتعور آه، بس ما تقتلش

[اللازمة: إسلام كابونجا]
إيه ده؟ إيه ده؟ مالكو؟ إيه اللي جرالكو؟
جعانين والمال غير حالكو
أنا هفاجئكو، جي أصدمكو
في بحور خوفكم أنا هدفنكو
يلا إتنططوا، خدوا هنا وإخبطوا
هربطه من بعد ما جيت أصيته
بقوا يتشرطوا وكمان شرطوا
ساقوا الهبلة، بيستعبطوا

[المقطع الثاني: إسلام كابونجا]
نور الملاح وأحمد توكتوك
دايسين على كل اللي يلوكلوك
إخوات للموت وبنتألق
في المعارك والإقتحامات
إمبابة دولة، أنا من أفرادها
هنا في إخوات طالع على إيدها
وشباب عاملة بنفسها صيتها
توكتوك والملاح إخوات
إمبابة أرض المليون حملة
جوة إمبابة ‫No إستعباط

[المقطع الثالث: إسلام كابونجا]
كنت زمان أعديلكو مواقف
وإنتو بتوع دخلات ومواقف
كارفين، ما فكمش واحد صارف
وأنا عارف وكلامي مدروس
عايشين على حس اللي بيدفع
أو ع اللي ماسكلي في إيده مدفع
بالذمة يا ناس بقى كده ينفع؟
ده على الجيب بقوا زي الموس
أنا في عينيا شايفكو قرود
إتنططوا أكتر هديكو موز

[اللازمة: إسلام كابونجا]
خفوا تعوموا، غوروا بقى، قوموا
ما هو كل واحد بيجيله يومه
وإنتو على الله، جراوي بتزوموا
ع الجنيهين تيجوا وبتحوموا
أهلاً آمظابيط، يا كلاب للصيت
أنا ما أستنضفش آخدكو عبيد
حبة خرفان، إجهزوا للعيد
ده على الراس نازل التخبيط

[فاصل: إيسي الوحداني]
آكابونجا
فهمها إن اللي باعنا خسر دلعنا
الولا مش لعبة في إيدك آبت

[المقطع الرابع: إسلام كابونجا]
ما لكيش رجعة خالص والنعمة
أنا أطرش وأخرس عادي وأعمى
ما أنا مش جنبك حتة لعبة
تزهقي منها فعادي تسيبيها
وأما تعوزي تتسلي ترني
ويجيبك الشوق ليا تحني
إخلفي مني، إبعدي بقى عني
أشكالك دي بقيت برميها
أنا ضيعت كتير في حياتي
وأيامي الجاية هقضيها
أيامي الجاية هقضيها

[اللازمة: إسلام كابونجا]
ما أنا مش فاضي أطبطب أدادي
سلامات، سلامات، غوري، ع العادي
مش عايزك تاني تيجي قصادي
شطبنا الحنية خلاص
فرداني أنزه، عادي، هتمنجه
وحياتي كده أطعم من المانجا
ألحان أيامي رايقة، كمنجة
‫Solo مع حالي، مش عايز ناس

[المقطع الخامس: إسلام كابونجا]
اللي فارقني الله يسهله
عادي، بكرة الأيام هتذله
ومواقف ياما هتثبتله
إن إحنا يالا ما نتعوضش
بكرة ده لما ياخد على عينه
وطوب الأرض يذله، يهينه
والدنيا هتكسر مناخيره
يتمنى رجوع وما ينفعش
أصل اللي بيخرج من عيشتي
ويتنمرد ياض ما بيرجعش

[اللازمة: إسلام كابونجا]
فيكو ليه هفكر؟ لا أتذكر
أشكال ورا ‫Mask بتتنكر
حزر، فزر، كان غيرك أشطر
فتعالوا كبش، هاتوا أكتر
وأنا هنا ثابت يا عيال هابت
علشان مسكت قرشين خابت
كبرت، شابت، عكت، عابت
وأنا جايب آخري وجاضض

[المقطع السادس: إسلام كابونجا]
ما بخافش أنا غير من اللي خالقني
مش مخاليق زيي هتقلقني
أنا ربك وحده بيسندني
مش محتاج لسند من حد
في الضيقة أو في الشدة يبانوا
كل واحد غير عنوانه
زي ما هنت عليهم هانوا
خلفوا العهد ونكروا الوعد
ملعون أم اللقمة اللي إتقسمت
وآكلناها يوم مع بعض

[اللازمة: إسلام كابونجا]
خطي كسرته، قلبي دفنته
صاحبي الغدار بعته، مسحته
ما هو جاله وقته، وأما قفشته
كان بيكمل عادي كدبه
زمن الإدمان ده ما سابش مكان
الفاتحة يا عم على الخوان
أنا بضرب عيني، مش لاقي جدعان
الرجالة قلبت نسوان

[الخاتمة: إسلام كابونجا]
كلها كارفة وأخوك مديهم
توكتوك داس قدامي عليهم
إسم نور الملاح مرازيهم
إمبابة كلها ناس مطاريش
أحمد توكتوك لو قال يلا
يبقى الكل سحب وعلى الله
عمر ما واحد مننا جلى
بنجعبد وما بنجليش
إحنا إتنين آه، بس إتنين مطاريش
وكفاءة نعارك جيش