Mahsbtahash - محسبتهاش

[المقطع الأول]
وفر كلامك
مش وقته كل اللي إنت جاي بتحكي فيه
وما فيش فضول أسأل وأقول آذيتني ليه؟
الوقت فات
حاول تعيش
إيه اللي جابك؟
ما بقاش يأكل عيش خلاص دمع العينين
القسوة وحشة وإنت برضه قسيت سنين
وفيه حاجات ما بتتنسيش

[اللازمة]
ما حسبتهاش
ولعبت لعبة للأسف ما كسبتهاش
قلبك يعوضني دي صعبة مهما عاش
شكرًا عشان فوقتني
إنسى اللي كان
علشان حبيب دلوقتي غير حبيب زمان
أنا قلبي ضاع مني وما أعرفلوش مكان
فما فيش دموع هتهزني

[المقطع الثاني]
هو إنت مالك؟
فاكرها سهلة أو تتحل بكلمتين
شفت اللي بيسيب قلب حبه بيبقى فين
أصبر عشان هتشوف كتير
أنا قلتهالك
إن القلوب في الدنيا دي مالهاش ضمان
مش تبقى يعني بتئذي فيا وأقول كمان
أدي الأمان لو شفت خير

[اللازمة]
ما حسبتهاش
ولعبت لعبة للأسف ما كسبتهاش
قلبك يعوضني دي صعبة مهما عاش
شكرًا عشان فوقتني
إنسى اللي كان
علشان حبيب دلوقتي غير حبيب زمان
أنا قلبي ضاع مني وما أعرفلوش مكان
فما فيش دموع هتهزني