Mahrgan Esm Sasa Dah Leeh Kyan - مهرجان اسم صاصا ده ليه كيان

[المقدمة عصام صاصا وحمو بيكا]
إسم صاصا ده ليه كيان
إنتو فين والصاصا فين
أنا بيت، أنا الحواديت، أنا التنطيط
يا اللي إنت جي في صيت
مش برة، في المظبوط
مش، مش، مش برة، في المظبوط
كيمو الديب

[اللازمة: عصام صاصا]
معلوماتي عن حياتي
إني شقيان، مش فلاتي
شفت جحدان من خواتي
إتعاملت كإني يهودي
في الحقيقة هما الصهاينة
حقيقتهم واضحة، باينة
كله شغل الموماينا
كله عايز يلغي وجودي

[المقطع الأول: حمو بيكا]
الناس بقت أشرار، بيضربوا نار
كان قلة، صبحوا تتار
أبطال بقت أشلاء، طارت أعضاء
في الحرب نو أخلاق
أعيان بقت خرفان، بقم نسوان
نزلم بجيل عيان
أحزان في وسط ميدان صحابه حيتان
كتب الحوار شيطان
كتب الحوار شيطان

[اللازمة: عصام صاصا]
برة عنكو، عاجبني حالي
ده أنا في الحال ده بقالي
يجي كام شهر بليالي
كنتو فين وأنا بنزف دم؟
كنتو أوسخ حد شفته
بالندالة إنتو إعترفتوا
قلبي حنلكم كرفته
بقيت بيكم مش مهتم

[المقطع الثاني: حمو بيكا]
أنا چان وچنتل مان، بتاع نسوان
سيطرت ع الخزان
أنا جن، مش دخان، أنا السخان
بصون، لكن بتخان
أنا بيت، أنا الحواديت، أنا التنطيط
يا اللي إنت جي في صيت
أنا حوت في شكل كيوت، أنا اللي بشوط
مش برة، في المظبوط
مش، مش، مش برة، في المظبوط

[اللازمة: عصام صاصا]
مبدأ إيه؟ غور يا أبو مبدأ
إنت مين؟ أنا مش مصدق
إنت مش صاحبي، طردتك
إنت شكلك يا إبني عدوي
جوة عينك شفت غدرك
ياما وكتير شفت منك
إنت ناسي إن أنا صاحبك
يبقى ليه هقدرك مني؟

[المقطع الثالث: حمو بيكا]
تكير يا صنف رديء، يا قلب بطيء
على شكل قلب جريء
زحاليق في وقت الضيق ما بلوا الريق
ولا فتحوا أي طريق
إزاي هيبقوا صحاب؟ ده صنف كلاب
دول فالصو، مش أحباب
لأ، دس، ما فيش إعجاب، في وسط الغاب
موقع طويل الناب
موقع، موقع طويل الناب

[اللازمة: عصام صاصا]
إنتي زي المندولينا
إنتي بطلة المدينة
إنتي مركب وأنا مينا
نفسي تقعي في حبي يا بت
وعد هعملك نفوزك
بس وافقي إني أبقى جوزك
إوعي أشوفك لاوية بوزك
عايز أشوفك أسعد ست

[المقطع الرابع: حمو بيكا]
قلبي يا روح قلبي، تعالي جنبي
يا هدية من ربي
حضنك ده برتاح فيه وبشتاق ليه
أجمل مكان بلاقيه
ما بلاش يا روح الروح، كفاية جروح
باب الفرح مفتوح
والخوف لازم ننساه بكل قساه
إحساسي مش حساه
إحساسي مش حساه

[اللازمة: عصام صاصا]
(إسم صاصا ده)
إسم صاصا ده ليه كيان
أصله راكب من زمان
خاطف ضوء أي مكان
لما بحضر كله بيركن
مش شايفكو يا لكاكين
مش عارفكو، نسيتكو مين
إنتو فين والصاصا فين
صاصا كروان ملك الأكشن

[المقطع الخامس: حمو بيكا]
على فين هروح يا سنين؟ قولولي يا عين
هو القلم جه منين؟
شياطين في بني آدمين في كل كمين
صاحيين ومش نايمين
هفقات ومش بابات، وارد إصابات
دول نايتي، مش عصابات
دول نايتي، مش عصابات