Magzra Naas Yama Met3ora - مجزره ناس ياما متعوره

[المقدمة]
أيوة، أيوة، أيوة
يا صباح القفش، رزقك، تعالى
إنت ما بتخافش وأنا عندي حالة
أنا برمي شعوري جوة الزبالة
وأنا باصص ليك
أفيجو يا دخلاوي
محمد شعبان بيقولك إبعتهاله من الأميرية
فيجو الدخلاوي

[اللازمة]
مجزرة، ناس ياما متعورة
والقهوة متكسرة
والقعدة متزرزرة
وبنقلبوا الترابيزة
تريقة ودماغنا متشعلقة
ونطفش المنطقة
أخلاقنا يابا ضيقة
وبنعتبرها ميزة

[المقطع الأول]
ترجمنا الحرب للغات كتيرة
ناس ياما بتشوفنا أهداف كبيرة
عبي ما تقلقش صندوق ذخيرة
إيه يا عم فداك
مشاهير وعتاولة عدوا علينا
ولا حد نهائي يحتك بينا
أنا لو مع نفسي إسمي بمدينة
أنا بتحداك

[المقطع الثاني]
‫أنا من الأميرية، أنا لقبي Hero
وبخلص خصمي وبشوفلي غيره
محمد شعبان ما شفتش مثيله
أسد الدايرة
أنا إسمي حصانة، إسمك ده فاكس
ما تجيش مع حمو في طريق معاكس
أنا من الأميرية، يعني أنا فارس
ومعايا إثبات

[اللازمة]
إلعبوا وإتسوسوا وإتسيكبوا
كانوا تحت، بقوا يركبوا
عمك فارس كوكبه
أنا وما حدش غيري
قعده وإخواته هيفخدوا
نسوان هيتودودوا
دول لينا بيرقدوا
وباعونا ملكي وميري

[المقطع الثالث]
أنا بعمل أزمة، من يومي مارد
كلكو بالجزمة خدتوا إتجاهي
‫الـ Mask المؤذي هاخده الملاهي
وهلاعبه نشان
أنا طلبت إني آخد قناعه
أنا داخل أشيله قال مش بتاعه
كان راسم واحدة وبطول دراعه
مشيته زعلان

[اللازمة]
مين سلك؟ دي شتيمتي بتشغلك
والناس كده تبصلك
على صيتنا وبتنطلق
لكن ما طمرش فيك
تفتكر إنك كده بتبتكر؟
حسك ووشك عكر
ما فكمش حد مذاكر
وخلاص راحت عليك

[المقطع الرابع]
يا صباح القفش، رزقك، تعالى
إنت ما بتخافش وأنا عندي حالة
أنا برمي شعوري جوة الزبالة
وأنا باصص ليك
الجي بتاعنا وإحنا بهوانا
مافيا ما بنهبش وصحاب مكانة
إحنا اللي طلعنا وإنتم ورانا
إسمي معديك

[اللازمة]
ليه كده؟ إيه لازمة الفرهدة؟
معقول جايب كل ده؟
عازم الأسود ع الغدا
وإنت اللي هتبقى طعم
فرحه، قلبه الجامد سيحه
مقفول، لازم تفتحه
والله ما يريحه
إحنا طلبناكو جولة

[المقطع الخامس]
مسجنا السجن وبدون دخوله
دول بس عشاني بيسقفوله
وهيدخل جوة هيطرقعوله
هيحب أدائي
‫جاي لابس الـ Mask وعامل چيفارا
ده إنت هتحتاج لدكان عطارة
وهتمشي بباتا وهتنسى زارا
كل دي أشيائي

[اللازمة]
بتسحل، أمعائي دي بتتقطع
ناقص أروح قطع
أنا بتقتل من الوجع
وصحابي قلوا معايا
بطرش وقفلت كل الورش
بهرش ومش بتهرش
دي عيال شوية فرش
وأنا عالي مستوايا

[المقطع السادس]
أنا ميؤوس مني، مجنون عمومي
وفي قلب العركة بقلع هدومي
وبروح تاني عركة وبمشي يومي
أصلها شغلانتي
إيه مالك أعلبة عينك راميها
طب شوف سحابة تعالالي بيها
أنا أيها موجة بركب عليها
وكفاية جدعنتي

[اللازمة]
إترسم وأنا اللي مني إتخصم
بيخوني وبيبتسم
مش برضه كنا أبو قسم؟
ولا إنت خلاص نسيت؟
إتصدم وشاف قصور من العدم
وسلاح ومافيا وخدم
أول ما أخبي القدم
قعد خلاص في البيت

[المقطع السابع]
أنا شارع الدنيا، فرع النزاهة
أبطال تندبني بصرف معاها
‫وبحب الـ Cash وبرمي التفاهة
ودخولي ليه هيبة
ما تجيش تذكرلي ناس مش نضيفة
وتقولي فراودة ووحوش مخيفة
ما لقيتش فتوة، دي قطط أليفة
كلها شنيبة

[الخاتمة]
هجام، ما يهبش من الأخصام
بيدرس الإجرام
في الأميرية تمام
أخويا محمد شعبان
قالهالكو، أنا أخويا راجع تاني
أخويا مهاب البدراوي
والنعمة واحشني أوي
فك إيديه يا سجان
ده إدارة، طول عمره يابا سيطرة
أخويا عمر سمارة
عمره ما بيجيب ورا
‫زي الصقر على الـ Beast