Maduneina dal bourg San Pir

[Strofa 1]
In fand al Bourg ‘d San Pir i éra una volta
Bèla cm'é al Paradis, una ciséina
E al so tesor pió rèr, la Madunéina
Bourgh e Pradèl s’ al stèven a litighèr
Dou vèci strè, du nomm, la dis la storia
Ch'i àn guadagnè coi pogn un poch ed gloria
Sampr' ed dé o ‘d not l’éra un quarantot
Discusiàn, ufais e un frach ed bot

[Ritornello]
Bourg ‘d San Pir, Pradèl, dou strè rivèl
Ch'is litighèven samper la Madona
L'éra un caranvèl, con zérti lot
Che a racuntèrl' adès nun pèr ‘na fola:
Dél volt quand iIs fèven mèl
El bòt seguitèven anc al sbdèl
Bourg ‘d San Pir, Pradèl, dou strè rivèl
Ch'i andèvn in procesian col matarèl!

[Strofa 2]
Al dé d'incu però l'è un' ètra cosa
Pió par la madunéina inción litiga
Anc la ciséina àn’é pió qualla antiga
Tott é cambiè, usanz, mentalitè
Anc s’as sént dir “L'é nostra la Madona”
As vad quèlch vciarlén strichères séine la nona:
Di bi témp indri i’àn la nostalgì
Di bi an che ormai eran de lì

[Ritornello]
Bourg ‘d San Pir, Pradèl, dou strè rivèl
Ch'is litighèven samper la Madona
L'éra un caranvèl, con zérti lot
Che a racuntèrl' adès nun pèr ‘na fola:
Dél volt quand iIs fèven mèl
El bòt seguitèven anc al sbdèl
Bourhg ‘d San Pir, Pradèl, dou strè rivèl
Ch’i andèvn in procesian col matarèl!