Mädcher

[Songtext zu „Mädcher“]

[Intro]
(Jau)

[Refrain]
Mädcher, üvverall Mädcher
Wenn et Fröhjohr kütt, dann sin se schwer op Jöck
Mädcher, lecker Mädcher
De janze Stadt es voll un ich weed raderdoll

[Strophe 1]
Blonde, rude, brunge, schwatze, nä, wat sin dat vill
Ding Aure ditsche ald vun enne an ding Sonnebrill
Plötzlich sin se widder do en Sommer-Kampfmontur
Statt decke Daunenjacke süht mer üvverall Natur
Jedes Johr dat selve Spill, dat kenne mer ald schon
Die Mädcher han ihr Späßje, mir han Testosteron

[Refrain]
Mädcher, üvverall Mädcher
Wenn et Fröhjohr kütt, dann sin se schwer op Jöck (Uh-uh-uh)
Mädcher, lecker Mädcher
De janze Stadt es voll un ich weed raderdoll

[Post-Refrain]
Mädcher (Uh)
Üvverall nur lecker Mädcher (Oho)
Mädcher (Aha)
Üvverall nur lecker Mädcher (Es schon klor)

[Strophe 2]
Luur ens he, un luur ens do, un die do hingen och
Die han Draumfijure un mir ne decke Buch
Un all sin se am luure op dat fussije Jeschoß
Die Ampel schläht op Jrön un kein Sau fährt loss
Latänepöhl sin akut kollisionsbedroht
Doch spätestens em nächste Hervs weed alles widder jot

[Refrain]
Mädcher, üvverall Mädcher
Wenn et Fröhjohr kütt un et dich richtich jöck (Uh-uh-uh)
Mädcher, lecker Mädcher
Maache mich beklopp, verdriehe mer d'r Kopp

[Post-Refrain]
Mädcher
Üvverall nur lecker Mädcher (Oho)
Mädcher (Mh-hm)
Üvverall nur lecker Mädcher (Es schon klor)

[Interlude]
Hallöchen
Ähh, auf Wiederseh’n
Jo, wo sin die dann em Winter alle hin?
Nä

[Bridge]
Kaum es et wärm, es de Stadt widder voll met de Mädcher (Uhh)
Jo, dann laufe se all widder röm em hauchdönne Kleidche (Lei-belei)
Setze schön en d'r Sonn un mümmele ihr Blattsalätche
Un drinke ihre Latte bei nem klein Stöck Schokolädche (Hah-hah)
Jroße un kleine un dönne un decke Mädcher (Hah-hah)
E Tattoo am Hals un Metall en d'r Zung un am Näsje (Jau)

[Refrain]
Mädcher
Üvverall nur lecker Mädcher (Ich jläuv, ich drieh am Rädche)
Mädcher
Üvverall nur lecker Mädcher (Mädcher, Mädcher, Mädcher, Mädcher, yeah)
Mädcher
Üvverall nur lecker Mädcher (Wouh, huh, wouh, huh)
Mädcher
Üvverall nur lecker Mädcher (Ahh, jau)

[Outro]
(Jau)