Ma7kama W Dakhalna 3ala El Maframa (Eftara W 3awagly Sha3ro Lewara) - محكمه ودخلنا علي المفرمه (افتري وعوجلي شعره لورا)

[المقدمة]
إفتروا وعلينا بيدوروا
يتمنوا يتصوروا
ويهئّوا ويبخروا
علشان نسند معاهم
حصريًا على موقع مهرجانات دوت كوم
بسهر للصبح، بصرف فلوسي
على كل صحابي والدنيا بوسي
من كتر الشرب وقعت ضروسي
أنا شاب مُسِن
كيمو الديب

[اللازمة]
محكمة ودخلنا ع المفرمة
والدنيا متلصمة
ودماغي متفيمة
وبنام وأقوم مفزوع
أقنعة ع القرش متسربعة
والشقط بالأربعة
أُسَر يابا مضيعة
عادي وما فيش موضوع

[المقطع الأول]
خارق كالعادة، أحب الرياضة
وفي أيها أرض ليا السيادة
دايمًا يدولي دور القيادة
علشان سفاح
طيب بطبيعتي، بقلب غدودي
مطروش وبايعها، عديت حدودي
أنا من غير ما آجي ثابت وجودي
فين الأشباح؟

[اللازمة]
زغللة والسكة متقفلة
رجالة متغفلة
والقمورة القنبلة
دي سبب المعارك
أدخنة بالدنيا متلونة
تدفع تاخد عينة
كل العروض ممكنة
هتعد هتشارك

[المقطع الثاني]
إتدفن الحب جنب الخيانة
وحريم الأرض تعبت معانا
أتحدى الكل عايزين صيانة
‫‫وأنا Number 1
بسهر للصبح، بصرف فلوسي
على كل صحابي والدنيا بوسي
من كتر الشرب وقعت ضروسي
أنا شاب مُسِن

[اللازمة]
إفترى وعوجلي شعره لورا
أنا كنت فاكرك مرة
إركز، فين السيطرة؟
ما تهدى بقى آفنان
إتكرف، علشان جعِر إتعرف
ده بجد جتك القرف
أنا فاكره خدمة غرف
طماع، على طول جعان

[المقطع الثالث]
نجمت الهلس عض بشراسة
تلميذ خيبان ومحتاج دراسة
لو يحتاج حاجة أستاذ سياسة
علشان مصلحته
كلها في الضيقة باعوا وخانوني
الدنيا جميلة بيدلعوني
‫‫أنا مستر إكس، أنا آل كابوني
من الدنيا مسحته

[اللازمة]
إفتروا وعلينا بيدوروا
يتمنوا يتصوروا
ويهئّوا ويبخروا
علشان نسند معاهم
إختفوا، ما بقوش بيتصرفوا
كبروا وبيخرفوا
البحر أنا بنشفه
وعينيا مش شايفاهم

[المقطع الرابع]
أنا قاطع مخي بأمواس رخيصة
هتخشلي سبع ترجع فريسة
هتعلي الصوت هترجع في كيسة
آخرك معروف
ثورجت الثورة ثوران جليدي
ما بجيبش جبابرة، بضرب بإيدي
‫‫‫‫ما بقولش لحد شبهك "يا سيدي"
‫‫ولا غيرك "آخروف"

[اللازمة]
شقلبة، زغلولة، مش عقربة
مجنونة، متعصبة
ضحكتها فيها كهربا
تقولش ساحراني
ملهمة، أستاذة ومعلمة
وفي العراك مجرمة
آه، وفي قلبي متكرمة
وتملّي شاغلاني

[الخاتمة]
(محكمة ودخلنا ع المفرمة)
حصريًا على موقع مهرجانات دوت كوم
(والدنيا متلصمة)
(محكمة ودخلنا ع المفرمة)
(والدنيا متلصمة)
(والدنيا متلصمة)