Ma comme faje

‘A colpa è sul’a mia
Ca nun capisco chiù
Pecché te stò vicino
Si pure tien’o core
Dint’a chillu core tu
Nun faje trasì a nisciuno

Nun saccio comme faje
A dì "te voglio bene"
Si parle e te staje zitto
M’accarizze, chiagne e ride
Sulo quanno te cunviene

E nun te mporta ‘e niente
Pecché tu sì accussì
Tu me daje riso e chianto
Fin’a me fà murì

‘A colpa è sul ’a mia
Ca nun capisco pecché rieste
Pecché nun m’abbandune
‘O ssaje ca nun m’abbasta
Pecché ‘o ssaje ca nun è chisto
‘o mod’e vulè bene

Nun saccio comme faje
Sì comme nu mariuolo
C’a scusa ‘e m’abbraccià
M’arruobb’e scelle e t’e nascunne
Pe paura ca io volo

Ma pure s’i’ putesse
Nun m’abbastass’o cielo
Scennenno te dicesse:
“Io senza te nun volo”

Nun saccio comme faje
Sì comme nu mariuolo
C’a scusa ‘e m’abbraccià
M’arruobb’e scelle e t’e nascunne
Pe paura ca io volo

Ma pure s’i’ putesse
Nun m’abbastass’o cielo
Scennenno te dicesse:
“Io senza te nun volo”