Lwadaa ya sahbi - الوداع يا صاحبي

Muslim - مسلم * Track #13 On Moutamarred: Al Tamarrod, Vol. 1

Download "Lwadaa ya sahbi - الوداع يا صاحبي"

Album Moutamarred: Al Tamarrod, Vol. 1

ALBUM

Muslim - مسلم

2010

Lwadaa ya sahbi - الوداع يا صاحبي by Muslim - مسلم

Release Date

Thu Apr 01 2010

Performed by

Muslim - مسلم

Lwadaa ya sahbi - الوداع يا صاحبي Lyrics

[المقدمة]
الموت علينا حق، إذا واحد فينا سبق
ضروري الثاني غيلحق، غير كاين واحد الفرق، هو ألم الفراق

[المقطع الاول]
صاحبي دبا راك مكفن وقبرك محفور
جات الساعة د الفراق حيث لازم ومجبور
أول مرة نخليك حيث بوحدك مختور
أول مرة نخليك بوحدك نرجع اللور
شحال كنا صحاب وشحال كنا قراب
قدما كانت العشرة دابت فحال السراب
حيث اليوم نمشي ونخليك بين الغراب
باليد لي كانت فكتفك نرد عليك التراب
الوداع أ صحبي، كنتي العشير ديالي
خليتي غير موطعك، كا نشوفش فيه خيالي
وحيث مشيتي فحالك، تا أنا ماشي فحالي
ورث منك ذكريات عمرا تمحالي
صاحبي مشيتي و خليتي دموعي تسيل
كا نحس بيك حدايا وفيدك منديل
وباش تمسح دمعة ولا مستحيل
حيث عمرك ما ترجع من بعد الرحيل

[اللازمة]
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فقبر حيث ولى من الميتين
خلى غير الذكريات والقلب حزين
الوداع أ صاحبي
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فقبر حيث ولى من الميتين
خلى غير الذكريات والقلب حزين
الوداع أ صاحبي

[المقطع الثاني]
الوداع أ عشيري، الي سكنتي بين القبور على غفلة
يلي خليتيني وحيد وخا صحاب الكفلة
محال يكونو فحالك إيذوقوا معايا حلاوة الدفلة
هذو غير صحاب إفرقوم الريح كيما سحفلة
اليوم جا الموت أداك من أحضان العشرة
وأنا واقف عاجز وفعيني دموع الحسرة
عقلي ما بغى يستوعب بلي هذي آخر نظرة
غنشوف فيها صاحبي لي كندفنو بصباعي العشرة
باقي عاقل ملي كنا ندوزو بين لمقابر
نبقاو نتأملوا حتى يشحف الريق مالحناجر
قلي شحال ما بقينا هذا هو المصير
شحال ما طال لعمر بالنسبة للموت يبقى قصير
اليوم راك في قبرك وأنا فيدي الريحان
بين البكى والنواح تخلطوا الألحان
كنسأل واش حزنان ولا غتكون فرحان
بالنسبة لي الموت فنان الأحزان

[اللازمة]
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فقبر حيث ولى من الميتين
خلى غير الذكريات والقلب حزين
الوداع أ صاحبي
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فقبر حيث ولى من الميتين
خلى غير الذكريات والقلب حزين
الوداع أ صاحبي

[المقطع الثالث]
كنتي كتصلي حدايا اليوما صلينا عليك
كنتي ديما معايا ولي ما معايا عليك
كنتي صاحبي كنتي عشيري كنتي الخاوة ديالي
كنتي وغتبقى دايمان في بالي
الضحكة ديالك باقية مسجلة فوذني كنسمعا
بعدما كنتي شريكي فالفرحة والدمعة
بقيت اليوم بوحدي نبكي فحال الشمعة
دموعي تسيل فسكات والصبر ما قد يقمعا
صاحبي دبا راك فالقبر وأنتا المرحوم
وصل أجل موتي وأنا المصدوم
هذا هو المكتاب وحتما عليه اللوم
سمحلي إذا بكيت حيث لفراق مسموم
مفروض عليا نرضى هذا قضاء ربي
بزز مني نوقف نزظم على قلبي
أول مرة بلى بيك غنمشي في دربي
وآخر مرة نقلك الوداع أ صاحبي

[اللازمة]
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فقبر حيث ولى من الميتين
خلى غير الذكريات والقلب حزين
الوداع أ صاحبي
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فقبر حيث ولى من الميتين
خلى غير الذكريات والقلب حزين
الوداع أ صاحبي

[Paroles de Muslim "Lwada3 a Sahbi"]

Lwadaa ya sahbi - الوداع يا صاحبي Q&A

Who wrote Lwadaa ya sahbi - الوداع يا صاحبي's ?

Lwadaa ya sahbi - الوداع يا صاحبي was written by Muslim - مسلم.

When did Muslim - مسلم release Lwadaa ya sahbi - الوداع يا صاحبي?

Muslim - مسلم released Lwadaa ya sahbi - الوداع يا صاحبي on Thu Apr 01 2010.

Your Gateway to High-Quality MP3, FLAC and Lyrics

― DownloadMP3FLAC.com ―

Support: [email protected]