Let Go

[Verse 1]
Jaibon se faraq nahi parta, ameeri ho yaa phir ho bada jo naam
Hum ne tou shuru se rakha hai khula-kushada yahan dastarkhwaan
Maangun mein Rabb se apne, kya khaak ukharay ga mera insaan?
Woh maangein aasayish, mein maangta hoon himmat ke saaray hon kaam aasaan
Ab tanha jo para tou kuch nahi khaas hai, teri kuch yaadein bus mere he paas hain
Chaha tha badh ke jo tujhe phir jaan se, dil yeh naadaan kyun pooche koi chance hai?
Jorray pe, jorray pe chal rahay raat se, dhuan he dhuan tou bethe bus khaans rahay
Khud ko barbaad yoon kiya ke khirkiyan band, tou baatein bhi nahi hotin chaand se
Mein chhupun kis konay may?
Yeh ghum jo mujhe ab dhoondh lete, sharam bhi aati hai kaafi phir ronay may
Tabhi tou chain nahi milta hai kabhi, aur mushkil bhi hoti hai sonay may
Kya ho gayi hai dair mananay may tujhe, ya paanay ki koshishein hone may?
Yeah-yeah-yeah
Kyun woh ho gaye hain door?
Phir sukoon mujh se chheena gaya, chalo yeh qabool
Phir qusoor mujh pe daala gaya, yeh bhi hai qabool
Kuch usool nahi maanay tu ne, yeh bhi hai qabool

[Verse 2]
Kyun ajnabi se tum ho gaye ho?
Tum ghar thay mera, tum kho gaye ho
Yeh beej jo tum yahan pe bou gaye ho
Akela betha, tum chhor gaye ho
Purani baatein kyun keh gaye ho?
Sub jhela mein ne, tum reh gaye ho
Hansna bhoola, tum qehqahay ho
Mein sunta bus woh jo keh rahay ho (Yeah)
Raaton ki neend he tou jaise ho gayi hai haraam
Jee nahi chahta ke chhorun mein bistar, yeh dil behaal filhaal
Kyun jaanay ka naam nahi lena hai mere dimaagh aur mere khayal se?
Chalay tou gaye ho lekin hain safhay bharay teri meri kitaab may
Ab naa he yahan parta hai chain, ab naa he yahan milti hai raahat
Pehchan hai qadam ke teri, hum kholein darwazay bus sun ke ek aahat
Pooche koi mujh se ke kon thay woh, bolun mein unko ke jaan thay woh
Bolein sub yaar ke jaanay bhi do, but

[Chorus]
Can't let you go, oh
Can't let you go, oh
Can't let you go, oh
Can't let you go, oh

[Outro]
Rock-rock-rockstar!