Les montagnards

Idurar ttidet cebhen
S uqerruy iw ar cebhen
Ar cebhen amzun d laz

D laz akw i ten icebhen
Yeǧuǧǧug yef ɣedɣaɣen
Idɣaɣen i ɣef nejṭuṭel

Deg wayen i cnan wid iɣ izwaren
Ar assa tidett teffer
Cbaha bb win t ɣedɣaɣen
Laz ɣeqqim i mesdurar
Imesdurar n twaɣit
Tawaɣit tezzi yasen
Ala nettat i ten iḥemmlen

Themmel iten i tmettant
Tmettaten ɣef wayen ur tetten
Akw d wid ara ten iččen

Sawalen asen d ad nɣen
Tinekkriwen g yemɣiden
Iɣallen mi ara buren
Awi d wi ara ten yaɣen

Ansi i d yekka waya ?

Ayagi yekka-d
Si tesɣiret tasihrant tameqwraḥant
I d ikkren deg wzaɣar
Yerẓan taxeddimt bb wedrar
Anwa i d amesdrar assa

I tesseṛwa tmurt is ?

Assagi:
Taɣat is ttacabcaqt n uɣefki
Asɣar is ttaqerɛett n lgaz
Tibḥirt is d ssuq
Awi d kan tadrimt
Anidat ?

Tadrimt tṛebba aqacuc
Di temdinin f izuɣar
Izuɣar s ufella idurar

Sayasen tt id iɣallen
Tetten t ala at iɛebbaḍ
Wid ak nni iɣ itetten

Ṭfen tamurt di Marikan
Di Rrus d wanda ssawḍen
Tekkan ɣef wid mi ttaken iɣsan
Iḍan wid iɣ iḥekmen

Ay iɣallen akken nella
Nella d wid iburen
Neɣ d wid n lluzinat

Amennuɣ iɣ icebbwlen
Mačči garaneɣ ara d yas
Wiɣ ismerkayen anida-t ?

Kkret a nedduklet fellas
A nefrut bbw garaneɣ
Ddunit a ttbeddel llsas
Ad ɣali yiṭij nneɣ