Les larmes du cœur / دُمُوعْ القلب

لقاع لي راحوا hommage ... السلام
دوزور ... ستيلو كحل

[المقطع الأول]
لحقت الساعة بلا ما شافها ، داتو لمنيّة
مقابل تصاور قاع لي راحوا ، دمعو عينيّا
واحد ما دار حساب ، والموت كي تجي ما تخيّر
بلا ما تدقدق فالباب ، تدّي فينا لمخيّر
البارح كان معايا ، في وجهو كانت بسمة
ماكانش داير في بالو ، بلي غدوة يجيبها فالسما
لوكان دريت كان رايح ، نقولّو ألف كلمة
نسلّم عليه نعنقو ، نديرو تصويرة لتمّة
مهدي ربّي يرّحمك ، كان عندك افونير
البالون تهدر معاه ، فالتيران كنت تطير
معاك عاش public الماتش لخر لي حضرتلو ، الـ
سمانة مور لحكاية ، رفدناك فوق النعاش
بنادم يحبّوه قاع الغاشي ، عايش زهواني
جامي بان العيب منّك ، الله غالب كلّش فاني
القبّة بكات عليك ، عشرين جويلية شاهدة
الفين بنادم فالجبّانة يدّيها فالسماء رافدة

[اللازمة](x2)
الموت صعيبة بكّاتني ، وداتلي بزّاف حباب
فالجنازات مشّاتني ، طالب من ربّي التواب
العيد بعيد ومضّاتني ، بعتتلي قرابي للحساب
مزيّا الورقة سماتني ، حكيتلها قلبي راو ذاب

[المقطع الثاني]
بلال ربّي يرّحمك ، عامين من لي دفنّاك
صح الحياة نساتك ، مي حنا خو ما نسيناك
À gogo هنّاك ربّي من الدنيا ، لحرام ولّى
مع الشيطان قاع نسوقوا ، c'est vrai قروب الساعة
تبّعت طريق صعيبة ، شحال من واحد نصحك
تبّعت دقّت لحبيبة ، الموت في دمّك دفعت
النية فالقلوب ، ونتا صافي ربّي يغفرلك
ندعيلك كل ما نصلّي ، نسمع الموت نتفكرك
جوّزنا ايامات شابين ، ماشي بزّاف مي بقاو
كلامي فالورقة لقاو ، des souvenirs فراسي
بالاك غدوة انا نموت ، لي يحبّوني يشقاو
للدفينة نتاعي شكون يجي ، مخّي و قلبي سقساو
اسحاق ربّي يرّحمك ، كي مهدي داتك صايم
فعايلك هدرو عليك ، وليد فاميلية و قايم
بدارهم بخاوتو ، ميّت ضحكة في وجهو
الله يرحم قاع لي ماتو ، الله يرحم خويا لموتشو

[اللازمة](x2)
الموت صعيبة بكّاتني ، وداتلي بزّاف حباب
فالجنازات مشّاتني ، طالب من ربّي التواب
العيد بعيد ومضّاتني ، بعتتلي قرابي للحساب
مزيّا الورقة سماتني ، حكيتلها قلبي راو ذاب

[المقطع الثالث]
مازال ما آمنت بلّي مات ليلة قبل كان معايا
عيّاشي الله يرّحمك ، نختم بيه هاد لحكاية
عـ الزوج تاع الصبح كنّا كيف كيف قالي نتا خويا
قالي راني فرحان بزّاف ، مدّولوا الفيزا لـ خويا
خوه لي كان مريض ، راح يداوي هو مات
تلفتلي كاش نخمّم ، غريبة هاد لحياة
جوّزنا ايامات كيف كيف ، على برّا بان الراجل
قسمنا كلّش كيف كيف ، فراقك ماشي ساهل
فروشا داروا العيب معاك ليلة قبل ما تموت
لي دار العيب يخلّص ، حالف ضرباتك ما تفوت
علاش يا دين الرب ديك الليلة ما باتش معايا
علاش لحياة من جيهتي حاقدة كحلة سمايا
على 11:46 عيّطلي ما سمعتوش
مع الفطنة قالي صاحبي مات عيّاشي ما آمنتوش
واش كان حاب يقولي ، كل ما نرقد تجيني في بالي
نتلاقاو مور لحياة ، عند المولى الغالي

[اللازمة](x2)
الموت صعيبة بكّاتني ، وداتلي بزّاف حباب
فالجنازات مشّاتني ، طالب من ربّي التواب
العيد بعيد ومضّاتني ، بعتتلي قرابي للحساب
مزيّا الورقة سماتني ، حكيتلها قلبي راو ذاب

[المقطع الرابع]
كلّش يخلاص قاع نموتوا ، هكذاك و رانا
نجروا مور الدنيا ، عيب نسينا مولانا
نتفكروه غير فالشدّة ، ربّي يتبّت لقلوب
ونهار تموت الوردة ، تجيبها لتحت مع الدود
باش تقابل ؟ باش نقابل انا ديجا ؟
بالمورصو هذا آمين ، ولّى نقابل بالريشة
نتيري الشابو لقاع لي جابد ، passage لحياة
طايع المولى عابد ، drogue شايد سابعو راسو ما فيه
لحياة صعيبة ، الغاية تبرّر الوسيلة
صعيبة تحشيها لعمرك ، مع ربّي ماكان حيلة
Passage بزّاف ما فاقوش ، بلّي الدنيا هادي
Des pages كانت فـ ma réponse ، ضربوني لحيوط
Les images حكاية فاطن ينوم ، تخلطولو
علابالو شي ما يدوم ، تلّفهالوا الميراج
Visage عايش مبحّر مخدّر ، الضحكة فالـ
Virage في روحو يصبّر و يزكّر ، الضربة فالـ

[الخرجة]
صعيبة بزّاف ، كي تشوف كلّش عالبكري
كي تحب الوقت يخلاص يطوّل ، كي تحب يطوّل يجري
الله يرحم قاع لي ماتو