Leechterkette

John Lennon Button ahm karierte Hemp
En laue Sommernaach bei Magdeburch
Wo die B1 en Autobahnbrück ess
Un die Transitstreck ungendurch jeht
Vun Drewitz bess Marienborn
Do, wo die Halsschlagader West-Berlins
Als Leechterkett sing Daachdräum schürt
Ahn die Stell trick et ihn hück ohvend widder hin
He stehte manchmohl stundelang
Wenn keine Vopo kütt un ihn verjaach
Denk noh, spennt römm un phantasiert
Un rauch sich durch die Naach
Dat he 's sing Highway-sixtyone
Hä's Peter Fonda, nit dä Hans
Dä singem Vatter nahx et Moped kläut
Dä 'n suwiesu e paarmohl krüzzwies kann
Jenosse Puckler, Parteimitglied
Dä Linientreuste im janze Kombinat
Westfernsehsüchtig, doch total konform
Die grauste Maus em Proletarier-Staat he
Op dä se schwört, wenn't sinn muss jedenfalls
Op dä se stolz ess, wenn se soll
Nur wenn se zovill intus hätt un nur noch lallt
Schwärmp se vum Strauss, wie hä vum Rock'n Roll

Leechterkette locke, Fernweh brennt
Abenteuer waade, die 'e nur vum Hühresaare kennt
Un dann die Mufle, datte och su weed
Su "vernünftig" un su selvsjerääsch
Dat Schööf em Drüje ihm bahl mieh bedügge
Rejelmäßig dobei weed et ihm schlääsch

Su wohr e Hans heiß, un su secher wie
Hä op da Bröck steht un dä Wessie do wink;
Wenn se 'n russleete, bloß e einzich Mohl
Hä köhm zoröck trotz allem, wat ihm he stink
Logischerwies föhlte sich he zohuss
He sinn sing Fründe, usserdämm
Spürte dat och jet Wohrheit drinn sinn muss
En dä Parolenflut, die alles övverschwemmp he
Verdammp: Hä 's achzehn un e söök noh jet
Wat nit beschlosse un nit vürrjekäut
Vun dämm 'e weiß, datte e Rääsch drop hätt
Wat nit verordnet un nit enjebläut ess

Leechterkette locke, Fernweh brennt
Abenteuer waade, die 'e nur vum Hühresaare kennt
Un dann die Mufle, datte och su weed
Su "vernünftig" un su selvsjerääsch
Dat Schööf em Drüje ihm bahl mieh bedügge
Rejelmäßig dobei weed et ihm schlääsch

Verdammp: Hä 's achzehn un e söök noh jet
Wat nit beschlosse un nit vürrjekäut
Vun dämm 'e weiß, datte e Rääsch drop hätt
Wat nit verordnet un nit enjebläut ess

Leechterkette locke, Fernweh brennt
Abenteuer waade, die 'e nur vum Hühresaare kennt
Un dann die Mufle, datte och su weed
Su "vernünftig" un su selvsjerääsch
Dat Schööf em Drüje ihm bahl mieh bedügge
Rejelmäßig dobei weed et ihm schlääsch