Le Radici Ca Tieni

[Testo di "Le Radici Ca Tieni"]

[Intro: Alessia Tondo]
Se nu te scerri mai de le radici ca tieni
Rispetti puru quiddhre de li paisi lontani
Se nu te scerri mai de 'du ete ca sta ieni
Dai cchiù valore alla cultura ca tieni
Simu salentini de lu munnu cittadini
Radicati alli messapi culli greci e bizantini
Uniti inthra 'stu stile osce culli giammaicani
Dimme tie de 'du ete ca sta bieni

[Ritornello]
Se nu te scerri mai de le radici ca tieni (nu te scerrare mai)
Rispetti puru quiddhre de li paisi lontani
Se nu te scerri mai de 'du ete ca ieni
Dai cchiù valore alla cultura ca tieni (Sine)
Simu salentini de lu munnu cittadini
Radicati alli messapi culli greci e bizantini
Uniti inthra 'stu stile osce culli giammaicani
Dimme tie de 'du ete ca sta bieni

[Strofa 1: Don Rico]
Jou, egnu dellu Salentu e quannu 'mpunnu parlu dialettu
E nu mb'ete filu no ca l'italianu nu lu sacciu
Ca se me mintu cu riflettu parlu lu giammaicanu sthrittu
Perché l'importante e cu sai 'nu pocu de tuttu
Anche se de tuttu a fiate me ne futtu
Ma se 'na cosa me 'nteressa su capace puru me fissu
Se ete quiddhru ca oiu fazzu me mintu 'dhrai e fazzu ce pozzu
Perché aggiu b'essere jou ca decidu de mie stessu
Ca la vera cultura è cu sai vivere
Cu b'iessi testu ma sempre sensibile
Puru ca la vita ete dura è meju sai amare
Puru quannu te pare ca ete impossibile

[Strofa 2: Terron Fabio e Don Rico]
Me la difendu, la tegnu sthritta cullu core
La cultura mia rappresenta quiddhru ca é statu e ca a b'enire
Intra 'stu munnu (sine terrone), addu nu tene cchiui valore
Ci parla diversu e de diversu è de culure
Te nne leanu tuttu puru la voglia de amare
Cussì ca tanta gente a pacciu modu stae a regire
Te nne leanu tuttu puru le ricchie pe sentire
Ci chiange e chiede aiutu pe li torti ca stae a subire
Te nne leanu puru la terra de sutta li piedi
Se ccattanu tuttu quiddhru ca a cui tie nci tieni
Ne dispiace pe tuttu quiddhru ca ne sta lliati
Ma stamu ancora acquai, de 'cquai nu ne n'imu mai sciuti
(Chiaru moi moi moi)

[Ritornello]
Se nu te scerri mai de le radici ca tieni (Nu te scerrare mai)
Rispetti puru quiddhre de li paisi lontani
Se nu te scerri mai de 'du ete ca ieni
Dai cchiù valore alla cultura ca tieni (Sine)
Simu salentini de lu munnu cittadini
Radicati alli messapi culli greci e bizantini
Uniti inthra 'stu stile osce culli giammaicani
Dimme tie de 'du ete ca sta bieni

[Strofa 3: Nandu Popu & Don Rico]
E rriu della terra addu nc'è sempre lu sule (Dinnila)
Addhru la gente cerca umbra ca la po' 'defrescare
Acquai sta scrittu sulle pethre c'aggiu capire
Su parole antiche percé l'uomu nu po' cangiare (No, no)
Memoria ete cultura e b'ete quistu ca ole
Recorda ce a successu cussì pueti capire
Lu boia denta vittima puru dopu menz'ura
Ma la vittima denta boia se nu tene cultura
Su 'ste radici nui stamu ben radicati
Ni fannu amare populi mai canusciuti
Ni scosta de ci medita l'odiu e la guerra
Ma de sti criminali la capu mia nu se scerra

[Strofa 4: Treble & Don Rico]
E tie difendila, quannu poi difendila
È la terra toa, amala e difendila, sientime
Difendila, quannu poi difendila
È la terra toa, amala e difendila, de cine? (Bruscia)
De ci ole specula e corrompe, difendila
De ci ole sfrutta l'ignoranza, difendila
De ci ole svende l'arte noscia, difendila
De ci nu b'ole crisca ancora, difendila
Pe ci nu tene cchiu' speranza
Pe ci ha rimastu senza forza, difendila
Pe ci nu pote ma nci crite, difendila
Pe ci nu te pote secutare (Sine moi), difendila ('Ntorna moi)

[Ritornello]
Se nu te scerri mai de le radici ca tieni (Nu te scerrare mai)
Rispetti puru quiddhre de li paisi lontani
Se nu te scerri mai de 'du ete ca ieni
Dai cchiù valore alla cultura ca tieni (Sine)
Simu salentini de lu munnu cittadini
Radicati alli messapi culli greci e bizantini
Uniti inthra 'stu stile osce culli giammaicani
Dimme tie de 'du ete ca sta bieni

[Strofa 5: Don Rico]
Egnu de lu salentu e quannu mpunnu parlu dialettu
E nu bbete pecce ca l'Italianu nullu sacciu
Ca se buenu me recordu do parole de wolof africanu
Chep gen è lu risu cullu pisce ca se mangia culle manu
E "mu nu mu cu bbai" vuol dire nun ne pozzu fare a menu
E "man gi dem man gi dem" vuol dire sciamu moi sciamu
A ddu ete ca uei basta ca rispettu purtamu
E ca ne facimu rispettare pe quiddhri ca simu
Ca la cultura vera è cu sai idere
La realtà pe quiddhra ca ete sia ca è facile sia ca è difficile
La cultura vera è cu sai capire
Ci tene veramente besegnu o ci ete lu cchiù debole

[Strofa 6: Terron Fabio, Nandu Popu & Treble]
La difendimu, stritta e forte cullu core
Quista è la poesia ca crea sta terra cull'amore
Quiddra ca muti, tenenu modu te sentire
Grazie a ci la porta in giru o ci a qquai la po ssaggiare
E rriu della terra a du nce sempre lu sule
E alla gente ca rria nci pensa sempre lu mare
A qquai stae scrittu sulle petre cce aggiu capire
Cercu cu te le spiegu, perché nu t'ha scerrare
E tie difendila!
Quannu poi difendila!
E' la terra toa, amala e difendila sientime, difendila!
Quannu poi difendila!
E' la terra toa, amala e difendila de cchiui!

[Ritornello]
Se nu te scerri mai de le radici ca tieni (nu te scerrare mai)
Rispetti puru quiddhre de li paisi lontani
Se nu te scerri mai de 'du ete ca ieni
Dai cchiù valore alla cultura ca tieni (Sine)
Simu salentini de lu munnu cittadini
Radicati alli messapi culli greci e bizantini
Uniti inthra 'stu stile osce culli giammaicani
Dimme tie de 'du ete ca sta bieni