Law Sarakhna | لو صرخنا

[المقدمة]
يا عرب لا ولا إشي خلص
إحنا إخوة وجيران وأهل
لكن ما ضل عندي الكم ولا طلب
مختلفين إذا شعبي إنذبح ولا شبّهوه عليه
ما حد فيكم بيقدّر ينكر إنه إنصلب

[المقطع]
والدور رح تحاسبني
وتعاتبني لإني مش ساكن فيها
والسور رح يكشفني
ويسألني عن الي ضايل فينا
لو صرخنا بيكفيش لو رضينا أنا برضاهاش إنصفني
لو نويت بتمحيش ملامحنا بتنتساش أوصفني
إوصفني زي ما بدك خلي التشكيك يهدك
خطاب لمين موجه صوت التصفيق لعندك
كوشان الأرض معانا دوران الأرض معانا
مش هتك العرض مجاناً مش ناسي ثاري منك
بينا التوحّش والزمن عشان شو سويتوا في عدن
ما منخلق طاقة من العدم منخطفلك طاقم الطيارة
مننزل غزوة ع الخون
هذا الحزن زائف
صاير بس بناكف
مافي منا عالم
فهمني كيف علّامة
هذا رضاكم ولا سكوت منتخربط بالعلامة
دنيكم تحت الغترة مع إنه عندكم قدرة
مالكم حيلة باطل أنتم أشد كفرًا حبيب الشعب فاسد
Savage ست الحسن
فش سلطة فش برنامج
دمنا ما بصير مي بس بضله سائل
بتلومني عائل شعبي بقرشة ما بخاطر ها
هات التوقيع يمسّل مكانكم هون مش طاهر
بعد الوضو بغسّل الليل لن ينجلي بعد الضهر بكسّل
يلا نمسك بالأيادي يالله سوا نكذّب مين فينا أولى بيثرب؟
منكسر قرار الضم بالفتوحات مين فينا بيعرف يعرب؟
والدور رح تحاسبني وتعاتبني لإني مش ساكن فيها
والسور رح يكشفني و يسائلني عن الي ضايل فينا
لو صرخنا بيكفيش لو رضينا أنا برضاهاش إنصفني
لو نويت بتمحيش ملامحنا بتنتساش أوصفني

[الخاتمة]
يا عرب لا ولا اشي خلص
إحنا إخوة وجيران وأهل
لكن ما ضل عندي الكم ولا طلب
لو صرخنا بيكفيش لو رضينا أنا برضاهاش إنصفني
لو نويت بتمحيش ملامحنا بتنتساش أوصفني