Law Ala El Seet Ana Malyan Seet - لو على السيط انا مليان سيط

[المقدمة: إسلام كابونجا وحمو بيكا]
ما تجنحرش، ما بتهددش
أنا واحد بس، ما بتكررش
أنا صعب عليك، أنا ضد اللمس
صعب عليك، أنا ضد اللمس
إيه يا دبابة البلد؟
مع مين أبيكا يا أسد؟
مع تلاميذنا اللي إتنططوا
فهمني مين اللي إتفرد؟
فيجو الدخلاوي

[المقطع الأول: إسلام كابونجا]
لو ع الصيت أنا مليان صيت
أنا إسمي بيتقال كله يشيط
أنا مش محتاج من حد إعانة
أنا مش محتاج من حد إعانة
بس الظاهر قلبي الطاهر
خلاني ياما صدقت مظاهر
بيكون رد جمايلي خيانة
بيكون رد جمايلي خيانة
قصتي بدأت من وأنا طفل
أنا كنت مشاكس وماليش حل
وعمري ما بسيب حقي يضيع
وعمري ما بسيب حقي يضيع
وعشان شكلي إتخدعوا في قلبي
وفكروا كذا مرة في مشكلتي
ما كانوش عارفين إني فظيع
ما كانوش عارفين إني فظيع

[اللازمة: حمو بيكا]
شد بلاستر يالا
ليه بتعمل مشكلة؟
إرمي سلاحك، بص لنفسك
فكك من الحنجلة
ليه بتمشي بمذنبة؟
والمعدة مكركبة
قلبك لو هيخونك يوم
يبقى إنت خلاص كده يابا

[المقطع الثاني: إسلام كابونجا]
بصحى بقول إصطبح الصبح
وبنزل أدور فيكو الدبح
عملت الصح أكتر من مرة
عملت الصح أكتر من مرة
بس الجي عليكو مرازية
هموت عادي وهدفع دية
مسنود طول ما أنا عامل عدة
مسنود طول ما أنا عامل عدة
أنا ما بخافش يا عم الوحش
عايز تحبسني؟ ما بتكلبش
أنا ياما أوي جربت الضيقة
أنا ياما أوي جربت الضيقة
لو ع الحبسة واخد ع الحبسة
قعدت كتير أوي أوي ولسه
لو أعيش جوة أحسن من برة
لو أعيش جوة أحسن من برة

[اللازمة: حمو بيكا]
مين فيكو زي حالاتي؟
أنا قصتي كالآتي
أنا دلوقتي بقيت وحداني
طب فين اللي كانوا إخواتي؟
لما أنا كنت معايا
كانوا تملي معايا
ومع الوقت المكشوف بان
في ثانية قلبت الآية

[المقطع الثالث: إسلام كابونجا]
أنا كل ما أقول بيني وبين نفسي
خلاص كده فل أوي مراضي نفسي
بلاقي الناس شايفاني بالعكس
كل يومين بجريمة جديدة
أنا عمري في يوم ما أخطأ في حديدة
أنا زي مالك في ولاد الشمس
ما تجنحرش، ما بتهددش
أنا واحد بس، ما بتكررش
أنا صعب عليك، أنا ضد اللمس
جرب حظك وإنت وحظك
يا أخد روحك يا أكسر نفسك
لسه ما قررتش يا برنس
أنا لسه ما قررتش يا برنس

[اللازمة: حمو بيكا]
وسع أبابا، أنا جيت
لأ، هديك ديناميت
إسمك بح، خلاص ريحت
أنا وحش كاسر في الصيت
أول ما أنا طليت
إعذرني، أنا غطيت
فوق علشان وغلاوة نجلة
هولعلك في البيت

[المقطع الرابع: إسلام كابونجا]
صاحبي مالينو، حريم سايقينه
واخد تلاتين كشاف على عينه
وكل ما يعرف واحدة تسيبه
مع إنه في إنسانة بتحبه
وإستحملت غدره وقرفه
وقبلت بيه ياما أوي على عيبه
يصرف رزمة في ضهر الرزمة
أما أطلب منه بياخد صدمة
بيبقى معايا على طول فاضي جيبه
وإبن الخايبة بيصرف برة
بيفنطز من جيبه العرة
ليه يا صحابي بقيتوا بتخيبوا؟
آه، طب ليه يا صحابي بقيتوا بتخيبوا؟

[اللازمة: حمو بيكا]
لو أستاذكو إتنسى
يبقى ما فيش مدرسة
عمر جبل ما يهزه ريح
بس بيهبط من القسى
ليه يا ناس يا كويسة؟
ما تفككو فلحسة
أنا ربنا مش قاطع بيا
باعتلي عالم محدثة

[المقطع الخامس: إسلام كابونجا]
بنوتي النص اللي يخص
الإمبراطورة، دي واحدة وبس
حبيبة بابا، بحبها أوي
أول ما بتفتح شباكها
بشوفها حمامة ونفسي أمسكها
ما غصبٍ عني، أنا واحد غاوي
يا خرابي على رسمة شفتها
يا لهوي يا جدعان على ضحكتها
بتديني في أعصابي ملاوي
أجمل حاجة في الدنيا حبيبتي
دي مش مزتي بس، لأ، دي بنتي
يا بخت اللي هتاخد عجماوي

[اللازمة: حمو بيكا وإسلام كابونجا]
إيه يا دبابة البلد؟
مع مين أبيكا يا أسد؟
مع تلاميذنا اللي إتنططوا
فهمني مين اللي إتفرد؟
كلها قالت أنا، طب وإنت؟
أنا لأ، ما قلتش أنا
وأنا عارف من غير ما أقول أنا
إن أنا ملك الجدعنة