Last Seen

[المقطع الأول]
متمسك فيها زي حق العودة
علاقتي فيها زي البلاد و الفوضى
كل تفاصيلها بتمثل احتلالي
تحريرها مش كفاية فبشتريلها كوكب
كل دقيقة عم بتلفت حولي
بستنى صوتها ينادي علي
الشعور مش زي ما حكولي
ولا حتى هي الها زي
كل دقيقة عم بتلفت حولي
بستنى صوتها ينادي علي
الشعور مش زي ما حكولي
ولا حتى هي الها زي
لا ما الها زي
بشتاق للحيطان
للجو و الالوان
بشتاق للمكان
الي كنا فيه
بشتاق للحيطان
للجو و الالوان
بشتاق للمكان
الي كنا فيه
بشتاق للحيطان
للجو و الالوان
بشتاق للمكان
الي كنا فيه

[اللازمة]
بنزل النجوم من السما
و احطها بين كفوفك
و اسلم عيوني للعمى
لو كنتي السواد رح اشوفك
كل شي بثواني بيتلاشى
وقت ما المصالح تتماشى
ايوب بيتعلم من صبري
بتفكري انا الي مكتفي من شاشة

[المقطع الثاني]
قديش لما بحكي بتقاطعيني
و كيف لما تغفي بصحيكي
بتأسف كإني مش قاصد
بتحجج عشان الغياب بيأذيني
سامحيني مخنوق من الفراق
مجبور و مشتاق
بس بترك روحي تحرسك زي الشبح واقفة على هداك شباك
وانا لحالي هناك
كل الايام الي مرت
الف مرة روحي انضرت
روحي ما بتعرف ان ضرت
بس بعرف انو روحك بعيني استقرت
يا طير سلم ع حبابي
رسالتي ع بابي
يا طير وصل جوابي
لباب الي إلهم بصوتي بنادي

[اللازمة]
بنزل النجوم من السما
و احطها بين كفوفك
و اسلم عيوني للعمى
لو كنتي السواد رح اشوفك
كل شي بثواني بيتلاشى
وقت ما المصالح تتماشى
ايوب بيتعلم من صبري
بتفكري انا الي مكتفي من شاشة