Lassalle Strossn

LASSALLE STROSSN

Frisch wors
Da wind hod blosn
Brennt wie krenn in da nosn
Wir zwa san gaungen lassallestroßn
Es gabat a wohnung für uns hods ghaßn
Vom preis her kennts passn
Oida zins guad in schuß vielleicht haumma a maßn
Wos zohlts ? summa summarum ?
Ois in oin an 7a worm
Bis jetzt wor drin a oida maunn
Hods ala nimma auf die reih kriegt
Überlegt ob a in a heim ziagt
Möbel und sei gaunzes zeig wü a drinlossn
Fürn fall der fälle losst a si s offn
Owa gaunz ehrlich
So wie der beinaund is
Glaub i ned dass der no amoi umziagt

Hoffmas dass wos wird
Sunst haumma in aufdrahdn
Host da scho amoi angschaut
Wos valaungen momentan
Die waunsinnign
San jo olle aughaut
Aunders gibts des ned
Gemeindebau kemma si a am bauch haun
Weil ma ned laung gnua auf aner adress angmöd worn
Ois probiert stundenlaung telefoniert mit dem hawakuk
Es tut uns sehr lad hod a gmahnt
Do kemma leider nix mochn wos glaubens
Wievü leid bei uns einekrochn in da wochn
Olle sudans und raunzns bla bla
Mir stehts bis do oben
Oba i vasprich erna wir mödn sie waunn ma wos hobn

Nix gibts und des wos gibt is z teuer
Hauptsoch die mieten wern no teurer heuer
Du i muaß jetzt weida
Griaß ma in hömal er soll si amoi mödn
I hob no an schal von erm vielleicht baucht an
Bei der ködn