LAGL TENTESRI

مهزوم في حربك
لاجل تنتصري
وبعود شبابي باسندك فا إزاي
في وجودي
لسه قادرة تنكسري
يا أنة الراجعين
في لهيب صحاري الحلم
مهزوم في حربك
لاجل تنتصري
وبعود شبابي باسندك فا إزاي
في وجودي
لسه قادرة تنكسري
يا أنة الراجعين
في لهيب صحاري الحلم

بيجرجروا الخيبة
ويجمعوا الدهشة
من وش شهدائهم
يهدوها للعالم
بيواجهوه بالعار
يا دمع أم في مشربية الانتظار

لسه النهار ما وفاش
ورد أحبابها
من عتمة الغيبة
يا وصية مكتوبة
بالدم ساعة الفجر
ساقية السكك حواديت
والنوت مقامات
فيها الصبا غلاب
ساقية التاريخ أصحاب
ما حد فيهم مات
ما حد فيهم مات

بيعلموا الآتي
درس النضال تاني
يا جرح نازف
في مستشفى میداني
ما لمهوش تصريح
على لسان السيف
إن الجراح لمت
يا ثورة ما تمت
من فرط ما اتخانت
هي صحيح هانت
ولا اللي هان إحنا
ما بين سجون وقبور
حاجزين مطارحنا
متقسمه من زمن
بالجور، ومع ذلك
ضاحكين على روحنا
وكاننا راضيين
مع إننا كافرين
مع إننا كافرين
بما جرى فيكي
مين غيرنا شال سيفه
أما اتغدر بيكي
وسلموكي بلاش
للسفلة والأوباش
مين غيرنا في المعمعة
كان عمره يفديكي
با ست أحبابنا
وحبنا ليكي:
من غير أمل في اللقا
إيه فايدة الأشواق

سبّاق على دربك
ومعين على كربك
وإذا انكتبلي في يوم
يا ستنا قربك
هاعيش لسلمك فدا
واموت شهيد حربك
وإذا انكتبلي في يوم
يا ستنا قربك
هاعيش لسلمك فدا
واموت شهيد حربك
مهزوم في حربك
لاجل تنتصري
وبعود شبابي باسندك فا إزاي
في وجودي
لسه قادرة تنكسري
يا أنة الراجعين
في لهيب صحاري الحلم

سبّاق على دربك
ومعين على كربك
وإذا انكتبلي في يوم
يا ستنا قربك
هاعيش لسلمك فدا
واموت شهيد حربك