La Balilla

Voeuri savè 'l mestee che foo mi
El me lavorà 'l comincia a mezzdì
Vendi lisciva, soda e savon
L’acqua bugada col motofurgon (col motofurgon)

Mi voo in gir de chi e de là
Mi voo in gir per lavorà
Troeuvi tanti bigliett de milla
Me vegnuu in ment de comprà ona Balilla ('na Balilla)

E la sorpresa dei mè fradej
Che m’hann mangiaa anca i budej
Mia cusina che la sta in Via Larga
La m’ha mangiaa anca la targa (la targa)

La mia zia de Gorgonzoeula
Cont i gomm l’ha faa la cassoeula
El mè nonno che 'l gh’ha l’angina
L’ha ciapaa la ciocca con la benzina (la benzina ahah)

La Maria che la sta in la mia porta
La m’ha mangiaa la roeuda de scòrta
El cines cicich-e-ciscoffen
El ancamò lì che 'l pissa in del còfen (s'coffen)

'Na visina de la ringhera
La s’ha digerii anca una portera
El Carlet, 'sto stupidott
El s’è faa on vestii con la capott (capott, la capott... basta)

L’unigh che l’è restaa fregaa
L'è on mè cusin che l’era soldaa
L’è tornaa à cà e l’ha trovaa solament
El fumm del tubom de scapament

Mi voo in gir de chì e de là
Mi vo... Mi... De scapament

Mi voo in gir de chì e de là
Mi voo in gir per lavorà
Troeuvi tanti bigliett de milla
Ma compri puu on altra Balilla
Ma compri puu on altra Balilla
Ma compri puu on altra Balilla