L3chra Dl’Kass

Paroles de Talos "L3chra Dl'Kass"[Couplet 1]
Fdik nhar
Sebte, bdabte o ljow khasser
Chta khite men sma fderb oualla 7ed ydor
Khasshoum wiskya o chi birrate bach yjibo l'KO blil
Jib 3amer
Rakbo lmotor o 9assdo tri9 l'wil
Mnin jabo chrab!
Lgerraba ghi houma
O fsa3a makamlach koulchi kane ouajed tmma
Fl9onte del7ouma lmerrara blassthoum fine y9assro
Bou7dhoum bjouj o bla talete
3la lkass ytssamro
Li nssit mangoul houa kanou ro7 bro7 khout
Charkine 7erfa oua7da o rza9 nhar f3chiitou imout
Li ijibou sba7 takhdo tassa blil
O hakda mchate 3lihoum sinie o l3mar ghadi bla sabil
Tri9 louil, li dakhel jebha fiha ytlaf
Tri9 lbla issil fkass bine sba3 o kaff
Yamma mahmoum o izid
Iamma dssara dessarf
O ma2al chi douamate liam li fiha itlaf

[Refrain]
L3chra dlkass
Dima nhaytha ka7la allah y7ad lbass
Monkar w wasswass
Aouham
Fsabil raghbate nafss li bla 9iass
La se7a la flouss
La dine la sass
(l3chra dlkass khouya)
X2

[Couplet 2]
Lmouhim nraj3o
Bdate l9ssara hania
O doz tal3a fdroj dmaghhoum chouia bchouia
Da7kine ytmaylou o merra merra ytrach9o
Nass l7ouma oualfo sda3houm li mali ljaou mab9ach yssaou9o
Dii o jib flhadra o li i9ate3 houa tourné
Oulaou mrra mrra ytghannou o bdaou tnaoui
Oua7ed oulla mnekri men lakhor, t3bssate chouia
7it bdaou yjabdo douaker liam menssia
L9onte khaoui oualla 7ed ydor l9aouha sbab
Bach ytnagro, o koulna 3arfine belli chrab
Bine jma3a ila khssar, i9dar ijbad l7ssab
Ila kan 9dim o hadchi li ou9a3 bine jouj dess7ab
Bdaouha mghanna men lba3d oullate mssabba
Tb3ouha blou9ouf o tnater, o lmchan9a
O thrass l9ra3i
7ta chebkat m9atla dssa7 o taoua7ed maoua3i chno taydir
Tmane ghaleb frass
Chitane yza3am, igayad, ifarrach tri9 l3are
Nssaou bli s7ab ghfal oua7ed o7ta 3la l3bbar
Darbo m3a lard tchattate o jaj oulla madi
Rachgou fih o b9a m3antate
Taychouf sa7bo 3ayem dem
O jah 3adi o zid nzal 3lih brkil o sebbane
O lakhor, bjehd li b9a lih bda ya7bo harbane
O fine yzid yhrab flane o sa7bo 3inou 7amra
O chitane la3eb fosste dmagho l10
Khlah 3la 3chiro ghdbane o lbouliss
7dar m3attal
Takane li kan ro7 tl3ate
O rou7 li b9ate s7ate o ndmate
O gouli chkoun y3aoudak f3chirak li mate ya nedmane chkoun

[Refrain]
L3chra dlkass
Dima nhaytha ka7la allah y7ad lbass
Monkar w wasswass
Aouham
Fsabil raghbate nafss li bla 9iass
La se7a la flouss
La dine la sass
(l3chra dlkass khouya)
X2

[Pont]
Hada houa ma2al sem li ydouz men l7al9
Tetya7 ro7 li mate9tal, illa bel7a9
Nahik 3la l2ahle li sba3 touli 3liha na3te
Nahik 3la loua9fa 9oddam allah yaoum lba3te

[Outro]
Hada houa ma2al chrab a khouya
Ya lmoumen
9issa men samim loua9e3
Ou93ate f7oumti hadi ch7al
Ouana mazal sghir
Kounte tanchouf o saket
O lioum ouana kbarte douite
O b9atli 7aja oua7da ngoulhalik a khouya
7aja oua7da
La3fou
Talos
Diz9 Contre A-tack
Royale 4-sane records
Choc records
Dédicace à Azed, l'oeil du lynx
Cyrus
2005