L’Isola

[Testo di "L'Isola"]

[Strofa 1]
E dunda questa umbriia sœ la veranda
Che vaarda tüt el lagh che pò vede'
Gabiani setaa giò nell'acqua calma
I fissen la memoria d'i so œcc
Quel'unda che ve scià a basa' el puntil
Un temp purtava in spala i barchirœ'
Pirati, commercianti e pescatori
Tacaa a la vela u ai remui per viagia'

[Pre-Ritornello 1]
E me che ai tempi gh'eri i braghett cürt
E un tocc de legn in buca per impara' a füma'
Curevi senza scarp in sœi buciuni
Per fa' sœ una barcheta cui cio' e cul cumpensaa

[Ritornello 1]
Però d'estaa rüava lü
Quel prufesur in barca a vela cun la giacheta е cunt'i ugia'
Cuntava sœ tücc i so stori che duma' lü l'hera studiaa
De quand chе l'isola brüsava e sura el lagh se cumbateva
El Barbarusa cun l'armaa che un po' el partiva e un po' el rüava
Quanti Santi e tocc de merda che passaven per 'sti straad
E Longobardi e partigiani, Garibaldi e sfrusadu'
El me paes pareva un libru cun la storia en prucesiun
E pœ la storia la rampega, e pœ la storia burla giù
E ogni tant la se rialza, e la rifà anca i stess eruur

[Strofa 2]
E me che intant vaardavi la sua tusa
Vestida cunt'i rob de la boutique
Diseva che giù al mar gh'è una gran spiagia
Ma l'oltra spunda gh'heet de na' a truala te

[Pre-Ritornello 2]
E me che ai tempi gh'eri i braghett cürt
E i bœcc ne la sacocia e nagott de risparmia'
Curevi tücc i dé a la biblioteca per diventa' un prufesur
E un bel dé traversa' 'l mar

[Ritornello 2]
Però una sira cun quela tusa
Sem ndaa in süll'isula a brascett e ghe serum duma' nüm
Lé cul vesti' de la boutique e me cun quel del me fredel
Se sem basaa de dré a una gesa
Suta una lœna senza nom
E me v'et podi garanti'
Che tüta l'isula brüsava
Cume quand gh'era el Barbarusa
E la guera sura el lagh

[Post-Ritornello 2]
Hu mai pudü fa' el prufesur
E al mar sun ndaa duma' a fa' 'l bagn
Ma anca senza naviga'
L'oltra spunda l'ho truada
E la mia storia la rampega
E la mia storia burla giù
Ma tücc i dé la me regorda
Che sœ quela spunda l'ho basada

[Outro]
Ta
Tararararara
Tararararara
Tarararararara-rara-ra
Ohi ahi ahi ahi
Tararararara
Tararararara
Tararararara
Tarararararara-rara-ra
Tararara