كتبة فالحيطان (العربون) [Live Performance] 100 Bars

[Lyics of "كتبة فالحيطان (العربون) [Live Performance] 100 Bars" by Monst-R]

[المقطع الوحيد]
صابح براس البارح
راس اليوم يبان غدوة كي نعاود نصبح براس البارح
حلي مالتحت، كول و قول شبعت
كون تكثر الحلاوة تسكر فجنانك المالح
صايب غاشي ما صاوب حتى شيء
صابح يحضي فغاشي ما يصاوب حتى شيء
الشوفة لي تقول هنا ما تنطق اللسان
كي تمشي رد البال قبل ما يمشي لي فالبال
مدينة بلا ضوء الغلطة تاع الغيام
و العين لي كحلت في سماء كحلة كحولية الأيام
السيستام لي يدور تبانلك يمشي نيشان
En panne فوق طريق ايديولوجي ماشي مشكل تاع
حمي المواتر كاش ما تبرد المعيشة
على لي قتلهم الصهد و جمدو كيما المواشين
عندك على الشيفر يزيد يتلفلك الحساب
تنقص منوامر تضخم مشبعة الكساد
تشيع كي الفساد العملة غي تمنييك
مع شعب قالب راسه الكبير براسه الصغير
تشيع الهدرة، حضيلك شنايفك
البرقية لي ترعفك هي لي ترعف لي جايبك
ياك قلنا كولها و ما تقولهاش مالتحت
قد ما تطوط يطوط اللحد
عاود كولها و قوللهم شبعت
بلا ما تعيينا بالهدرة و تجهد روحك بالجهد
لي فاتو Les promesses تجدد العهد غي ب
ضربة من ترمة بينوكيو و شي ألواح شاطو
الهدرة بزاف و تهدر الهدرة قليلة
الهدرة ميزان و طير كي ترفد الثقيلة
تطلع لتم، يهود الذنب
كاين القلاوي، و كاين الدم
كاين شي صوالح ماكانش، غي يقولو كاين
و ماكانش لي شاف لي كان و لي ماكانش
راني في جيهة فالراس مفركت راسي فجوايه
نعاود فصوالح بالراب ماتو فراس البارح
راني نهرس الكيسان و فرطو لي سكرو مالقرعة
و لي صاحي شافها سكر اعتنق الصحوة بالصفعة
رانا بين و بين لاصقة فينا الشبهة
بين الحلال و الحرام رانا عايشين كي الشبهة
كاين صوالح فكل صالحة عليها مقودة تحصر
كيما مقودة تجر مالتالي في شكيل مكسر
يزيد المرض Mal قطع شرك مال
مالمرض Mal قطع شرك تقتل ال
قيمة الحياة كلها و كيش يساوم
هذاك لي بالقيمة يتساوم Prix و لي يساويه
عاود عاودت صبحت براس البارح
كاره دين الوقت كي نفوت نزابي فالسوايع
ماكانش لوجيك لي يخليك تعاود تفوت
C’est logique فنفس الطريق وين حسيت تبالي
متخاري مع الوقت لي خاريه علينا الوقت
تجبرني ندابز فروحي كل ما ندابز الوقت
كي نوض نقول فقت و زربوطي قاعد يدور
Rôle لابس روحي حتى تلفت دخلات و خرجات ال
الوجوه بالماسك و قاع كي هارفي دانت
كون ما تكونش خرا كيش تكون ناس ملاح
مادام اللسان يرطب الناس تنحشى في زكك
كون عسل يلحسوك كونك خرا يلحسوهولك
اللسان معقد و ينفتح كي ينظم
شدد المارة و سكنها فالفم
الملحون بنص عمر و الراب بنص عمر
و الهدرة لي خاص تنقال رابط سكاتها بالعمر
غادية و تتعاود حتى يقدام الديسك Loopa ال
و كل ما نجيب جديد فيه يعاود يقدام الديسك
راني نصفي ف لي يسمع كل مكيول بمكيالو
و الصافي مالصنف وين غادي تجبر كيالو
قالها العرابي و نعاودلها النظم
هذا سطر بحالو ثقيل على لسان ما فيهش عظم
نقتل فالناس Psychiquement قايس الطاعون
فم يدفل المرض و اللسان يخرج رصاص
ماكان لا ريش ولا ريشة نبغي كي نهدر نريش
عندي مورفولي تخلق موند كي تشوفني نريش
زيادة فالكلاسيك و نسبع لكل نص
بتاكست آخر طالع كاره يهود دين مه بنص
و تنقاس على الغاشي personnel موسيقى
كي بنت النابالم تخرج للموند ملاشي
N’punché b al sarcasm 7achi seb3i f al point G
و على البيضاء مكراشي Les black swan كاتل
الضغط لي يزيد العروق غادي نطرطقله فعرق
حالف ما نردخ ستيلو حتى يزلقلي مالعرق
شوفيت يدي بالبرقي و جاي نطيبها بالكتبة
عاطي النفس الطويل عندي الورقة كيما الرينغ
تربيت نكاصي فالريم، ب لي كاطا ما نفريني
ايغويست بين المعاني ماشي غي سطور باش نفريمي
و غي طلقة وحدة تفريلي، أم سي جاي بروح الفينيل
نطابق فالآداء على الفيلينغ نبات مقصر ليلي
حتى يبان ليلي قصير نحشيله كي العادة
الطالون فالغراف نفانتي حتى تطلع إلياذة
القنطة كابرة فسيمانة الكرهة فالوجه من سيمانا
و مالغري شافات ندافع الهيب هوب بإستماتة
ما قالولي ما شكيت راسم طريقي كيما بغيت
نبوجي يتوسع الريط but نشوف الباركور هو ال
على نشافة الريق خارج نطاقي شي حيط
فالطريق نطلق الورقة و نسيني مع المحيط
Bloc-note كملت الميكستايب و راني غي نخوي ال
و الوقت يرده مالفلكلور Demo هذا غي
Volcan عادا عايشين باش نفيضو كيما ال
Temps mort لاعب برا الوقت و ما نحبس ساعتي بال
كتبة فالحيطان ديها مني عربون
في حيوط الزنقة و شوفها مالبالكون تاع داركوم
99 سطر و المية هو الكامل
مور 3،2،1 (اشششش)