Korsi - كرسي

[Chorus]
بس اليوم…

[verse 1]
كرهي للكرسي بلش من كرهي للأساتذة
تضربني وتطزني عالكرسي في كل مناسبة
بس اليوم مختلف
كرسي حلاق كرسي قطيع نفس القصة شو القصة
نزل في الماكنة كل خصلة عيب ابين برة ال بوكسة
بس اليوم مختلف
كرسي عيد ميلادي اكتر كرسي بكرهه انا
تطفيش شمعاتي تحملنيش مش جاهز اطلع عالسما
عمري 40 مش عارف شو بدي اصير لما اكبر انا
بس اليوم مختلف بس اليوم مختلف
كرسي والدي كرسي عجال لف وقلب الأدوار
المفروض انت ال تحملني المفروض انت تكون جبار
ليش ت اشيلك عكتافي كل مرة تطلع فيها الدار
بس اليوم مختلف بس اليوم مختلف

[Chorus]
بس اليوم… (x14)

[verse 1]
كرسي باص عليه جنود ملمعة سلاحها
ممنوع يسوقو بلا بالغ بس مسموح يطخو ولادنا
بس اليوم مختلف
اليوم ولادنا تقعد كرسي السيارة وملمعة سلاحها
نفس سلاح الجنود ايد تانية والهدف بعدو ولادنا
والأيام ما بتختلف والاسماء تختلف
وكل فقدان بيخدشني خدش
مشتاقلك يابا ومشتاق لجنونك
بشيلك مليون مرة عكتافي ولا اشيلك في تابوتك
احفادك بعرفوك بس من صورتك
يابا انا اليوم مختلف انا اليوم مختلف
بتخيل في ولادي وهم يركضولك
تلفهم عالكرسي بفكروها لعبة و بضحكولك
شو الكرسي نسبةً لحياة بدونك يابا بدونك
كل يوم مختلف كل يوم مختلف

بس اليوم…(x8)

[outro: (Big Hass) and Tamer Nfar ]
(Big Hass from the interview "Buckle UP")
(اغنية سلام يا صاحبي، صعبة to perform it عالمسرح؟ )
عندي اغنية تانية اللي فيها بدمع
(Which one?)
اسمها "الكرسي"
(ليش؟ ليش صعبة؟)
عنا احنا ، اذ حد من عيلة قتل حد من عيلة تانية
كيف بنعرف اذا العيلة بدها توخود بالثأر او ما يوخدو بالثأر؟
اذا حاطين كراسي ف هم بيقولو تعالو عزونا وخلصنا القصة
اذا مش حاطين كراسي يعني بدهم يوخدو بالثأر
ف هي كلها واقفة على كرسي
(مان، واو)
وبلشت اكتبها، اي كراسي بكره، كرسي الحلاق وهيك
وشوي شوي وانا اكتبها اكتشفت انو الاغنية مش سياسية
عندي عقدة كراسي، عندي عقدة كرسي بما انو والدي كان ع كرسي عجال
ف بس هاي الاغنية بتورجي اللخبطة بين الشخصي لبين الاجتماعي
انا عارف؟! الله يرحمو