Komdu til baka

[Verse 1]
Á milli ósagðra orða
Og hvítra blaða sem horfa tóm á mig
Á milli tapaðra loforða
Reyni ég að hætta að hugsa um þig
Því ég hef sagt of mikið
Og skrifað nóg sem kemur vitlaust út
Svo hér er síðasta strikið
Svo máttu stroka mig út

[Chorus]
Komdu til baka
Ég hefði aldrei átt að efast
Lifi andvaka
Og hvern dag það mun ágerast
Þar til þú heyrir
Að kraftar veraldlegir eru ekki neinir
Sem fá því breytt að ég
Get engan elskað eins og þig

[Verse 2]
Nú er tónlistin hljómlaus
Og sumarblómin litlaus
Því án þín verður leið mín stefnulaus
Ég hélt að án þín fengi ég pláss til að bæta mig
En nú er engin sem að sér þegar ég misstíg mig
Og það er ekki að ég þurfi þig
En við erum best hlið við hlið

[Chorus]
Komdu til baka
Ég hefði aldrei átt að efast
Lifi andvaka
Og hvern dag það mun ágerast
Þar til þú heyrir
Að kraftar veraldlegir eru ekki neinir
Sem fá því breytt að ég
Get engan elskað eins og þig