Kom Trab - كوم تراب

[اللازمة]
يا باب يا مخلع زي قبنوري
مستعجلة ع الجواز ما تصبري
تايه بدور على نفسي زي دوري
هولع في نفسي بالبشبوري
يا باب يا مخلع زي قبنوري
مستعجلة ع الجواز ما تصبري
تايه بدور على نفسي زي دوري
هولع في نفسي بالبشبوري
لا إنستجرام ولا سناب شات ستوري
مصري عليك اللعنة باسبوري
لا إنستجرام ولا سناب شات ستوري
مصري عليك اللعنة باسبوري

[المقطع الأول]
إيه صيف أو شتا، إيه لابسين في حيطة
الناس عمالة تخلف في بلد أنا مستخسر ألبس فيها جزمة بيضة
ما يصحش كده (آه)
من وسط خمس قارات
من وسط كل الكواكب والمجموعة الشمسية والمجرات
من وسط كل ألوان الباسبورات
يشاء القدر أكون من بلد الشطافات
بس عادي الصِيت ولا الغنى
دخلنا كاس العالم يا إبني محدش قدنا
طز في الإنفجارات واللي بيموتوا مننا
كفاية إن محمد صلاح ده مصري من عندنا
بشتغل زي العبد عشان أعيش ملك
الدنيا دي جبل جليد وأنا تيتانيك
مفيش في قلبي كره بس في كتير بانيك
لو خايفة من الكوميتمنت ليه بتخليني أسألك

[فاصل]

[المقطع الثاني]
جفوني مش بتقفل، مش بشوف النوم
قاعد في الشغل برغي في التليفون
بقيت عصبي زي القولون
بشد السيفون، بشوف الطموح بيعوم
كل يوم غرقان فـ بفضل بايش
بعمل راب بس عشان أفضل عايش
بعمل راب عشان حايش عني بلاوي
بعمل راب ومش لابس منه غوايش
عايز ألف العالم في سيجارة وأشربه
مش عايز أغيره
عايز أشوفه ع الطبيعة من غير ما أشفره
حتى لو كوم تراب مش هعمره
ما إنتوا كده كده فيه بتدمروا
هتقولوا سلبي ومتشائم
والدنيا بمبي وأنا مش فاهم
دول بني آدمين ولا قطيع من البهائم
أقطع دراعي لو كنت إنت فاهم

[اللازمة]
يا باب يا مخلع زي قبنوري
مستعجلة ع الجواز ما تصبري
تايه بدور على نفسي زي دوري
هولع في نفسي بالبشبوري
يا باب يا مخلع زي قبنوري
مستعجلة ع الجواز ما تصبري
تايه بدور على نفسي زي دوري
هولع في نفسي بالبشبوري
لا إنستجرام ولا سناب شات ستوري
مصري عليك اللعنة باسبوري
لا إنستجرام ولا سناب شات ستوري
مصري عليك اللعنة باسبوري