Khawater - خواطر

لما الأيمان هيجي في قلبك هتلاقي الأمان في بلدك
حاول تستفيد من كل اللي قبلك

[المقطع الأول]
اسمحولي بعد إذنكم من وقتكم شوية
هوضح واقع ابعد ما يكون من الواقعية
بعيد عن الديموقراطية والدبلوماسية
لكنه شائك جدا للغاية وبحساسية
دلوقتي شايف الأفكار بقت بطبقية
بكل تحكمية قمعية بدون شفافية
بتعذب المعارضة وبتحكم بسلطاوية
بكل تصنيفية بنظرية ماشية بـ هرمية
انعدمت من تفكيرهم فكرة الروح الثورية
ونسيوا معنى يعني ايه الإرادة الشعبية
ونشروا جوا مجتمعنا أمراض متفشية
بتقضي على الأمل بكل فاشية إرهابية
طيب فين المنطقية في حكم من غير مسؤولية
يائس بائس فاقد للشرعية في دولة خيالية
علمانية ليبرالية إخوانية سلفية
وكل دة ملوش أساس من غير الإنسانية

[اللازمة]
ياشعب نايم على الرصيف وبالمقشة بتتكنس
فى ناس بتشقى على الرغيف وناس بتتعب من التنس
افتح بقك تتحبس تتشد ودنك تتقرص
تتفرم تتهرس احسنلك تسكت تتخرس

[المقطع الثاني]
من وقت فتح الستارة وفي الصدارة منارة الحضارة
وبوجود المهارة دقنا مرارة الخسارة
فظهرت الشرارة ولعت عملت حرارة
فستاهل شعب بجسارة ياخد وضعه وبجدارة
شطارة ولا مش شطارة تحبس نفسك في المغارة
واهلك تغرق في العبارة وتحت انقاض العمارة
مش فاهم ايه العبارة مش شايف من غير نظارة
ايه المقصود من كل غارة خلاص اتفقعت المرارة
الخير بيجي بالقطارة لازم تصطادة بسنارة
متستناش ظهور إشارة عشان تخطط للزيارة
وتاخد الإستشارة وتمضي الإستمارة
لعبة واطية وغدارة علشان بصمت بالحبارة
هتسلح نفسك بحجارة أجزاء من أهرام سقارة
تتجمع في شكارة تتوزع تترزع بغزارة
طالب جيوش جرارة مختارة جريئة ومغوارة
جاهزة تنفذ أي مهمة تهجم بسماع الصفارة