Khareg Aan Masary Makhnouk (Moftaqed Tomouhy) - خارج عن مساري مخنوق (مفتقد طموحي)

[المقدمة: عصام صاصا وكيمو الديب]
قصري المسافة
كان دورك في حياتي إستضافة
ما بقاش في حب ولا لطافة
بقى في بلوكات
وعشان قلبي أنا إتعلق بيكي
كنت بموت عشان أراضيكي
ولكني فقت وأنا دلوقت
ما بقتش عايز أكون ليكي
كيمو الديب

[اللازمة: عصام صاصا]
مفتقد طموحي
وبموت، بتروحي أنا مني روحي
تعبان من الحزن ومن جروحي
أنا شكلي هموت
منعدم الشعور
في سيناريو الحزن أنا ليا دور
في الدرس أنا متاخد حضور
كان درس ضغوط

[المقطع الأول: كيمو الديب]
موضع فعلًا غريب، أنا بتوتر
وبكل سلبية بفكر
خايف بجد، بتشد شد
والماضي شكله هيتكرر
ما الماضي كله حاجات فعلًا جارحة
ما فيهوش ولا ثواني للفرحة
فعلًا حزين، مخزون سنين
والله أنا دموعي مش شارحة

[اللازمة: عصام صاصا]
خارج عن مساري
مخنوق، لكن في هزار بداري
في البعد خلاص واخد قراري
هبعد وأرتاح
مش بيطمنوني
بالعكس، أنا أقرب ناس آذوني
إديتهم خيري وردوهولي
أوجاع وجراح

[المقطع الثاني: كيمو الديب]
ليه عينيكو دايمًا تبص على حياتي؟
ليه طمعانين أوي في حاجاتي؟
ليه عليكو هنت؟ مع إني كنت
دايمًا أقول إنتو إخواتي
عايز أعرف ليه اللي أعامله أنا بمبدأ
بالخير معاه أبقى مسبق
ألاقي يخون، سن العيون
وهدفه إني أموت وأغرق

[اللازمة: عصام صاصا]
لم أعد أستطيع
أن أرضي بفعلي أنا الجميع
ولماذا أراضي في ناس تبيع؟
وأراضيهم ليه؟
هحاول أراضيني
ويا نفسي أنا عايزك تبسطيني
وما فيش واحد تاني يا عيني
غيري تبكي عليه

[المقطع الثالث: كيمو الديب]
ماذا يحدث؟ وهل أنا حقًا بائس؟
وقلبي فعلًا مش ناقص؟
ولا ده دور؟ برضي الغرور؟
ولا بجد حزين خالص؟
أنا ليه دايمًا حزين مش متأقلم؟
دايمًا من الوجع أتألم
وعيوني بس على طول تحس
وبدمع أول ما أتكلم

[اللازمة: عصام صاصا]
حبك كان قراري
وكإني إخترت أنا إنتحاري
وإزاي بإيديا أنا أروح لناري؟
أو للصراعات
قصري المسافة
كان دورك في حياتي إستضافة
ما بقاش في حب ولا لطافة
بقى في بلوكات

[المقطع الرابع: كيمو الديب]
حبيتك وحبك إنتي قضى عليا
دخلت أنا في حالة نفسية
أنا مكتئب، قلبي تعب
كان نفسي تبقي إنتي سوية
وعشان قلبي أنا إتعلق بيكي
كنت بموت عشان أراضيكي
ولكني فقت وأنا دلوقت
ما بقتش عايز أكون ليكي

[اللازمة: عصام صاصا]
بعدين يا زماني؟
أنا ليه مش حاسس إني في مكاني؟
أفكاري غريبة، ملخبطاني
أفكاري سلبية
الموضع ممل
والشغف اللي جوايا قل
أمراضي مش لاقي ليها حل
أمراضي نفسية

[المقطع الخامس: كيمو الديب]
مسحول، أنا تهت جوة الأفكار
وفي الغالب أنا بنهار
نبضي ده قل، إنسان ممل
وهموت في آخر المشوار
مشوار وطريق نهايته يكون موتي
غرقان في بحر إسمه ضغوطي
جسمي ده خس، ما بقتش أحس
مكتفي أوي أوي بسكوتي