Khamsa Santy - خمسة سنتي

[المقطع الأول]
صحيت الصبح بدري طسيت وشي بنقطتين
أصل المايه قاطعة تقريباً من ساعتين
فتحت باب الشقة أكني داخل على البيسين
أخر خمسة سنتي في بنطلوني مبلولين
والبواب طرف الجلابية في بقه
وفي إيده ماسك مساحته وغباء في الدنيا ما تلاقي
حاسس إنه في عرض باليه مائي
وبمنتهي السعادة بيبصلي ويقولي
"صباح الفل يا بيه، مالك زعلان ليه"
كملت طريقي لعربيتي ما هي مركونة قدام بيتي
عيني وقعت على الكبوت عليها كلام لذيذ وكيوت
محفور بمسمار
"يا سمر بجد بحبك موت"

[المقطع الثاني]
وركبت العربية ودورت ودخلت يمين
مش بمزاجي والله ما إخترت
طب أروح على فين
عربية كارو بحمارها نطت من فوق الكوبري
والناس بتزعق وتصوت وأنا متأخر على شغلي
وركنت عربيتي، الحلوة لونها زيتي
والدنيا حر الشمس حامية فين تكيفي
وفتحت الباب حوالية الدنيا تراب
أخر خمسة سنتي في بنطلوني مطينين
قصيته عملته شورت عرقان ومعيش مناديل
وأنا أصلاً شاب سبورت هوبا هنط في نهر النيل
نفسي أبلبط يا سلام لو عندي زلومة فيل
أهو كدا بقى زي الفل
أخدها عوم كرول