Khalony Faqed - خلوني فاقد

[المقدمة: إسلام كابونجا وحلقولو]
لو تعرف
نفذ وما تقعدش تخرف
بطل ع الفيس يا زمالة تكرف
إنت مخصم حد يشرف
مش عيل جلب
هي رجولتي سبب حبستي
عشان جدع شيلت قضيتي
لا تخصني ولا تمسني
ولا الحتة ديت حتتي
فيجو الدخلاوي

[المقطع الأول: حلقولو]
مش عارف مالي وإيه جرالي
أنا كل دقيقة يتشقلب حالي
أنا مش مرتاح، كلي جراح
كله بايعني رخيص مش غالي
أنا خصوماتي كترت، ربنا يستر
يا هعور يا أطلع متعور
بس هفوز، ما هو لا يجوز
هلهولة يتساوى بمتخطر

[اللازمة: إسلام كابونجا]
متخطر
بايع نفسي وحابب أتعور
ما هي مهاراتي في عراكي بتظهر
ببقى واحد مؤذي ومتهور
بيخلعوا مني
مشكلتي
إن أنا بتعامل برجولتي
مع ناس عمالة تجيب سيرتي
في كذا حكاية ما كانتش حكايتي
بس حطيت نفسي

[المقطع الثاني: حلقولو]
الظلم مخليني مسعور
أسفلت وقسم معايا جمهور
خلوني فاقد، خلوني جاحد
أكدب لو أقول مش مضرور
مضرور في الرايحة وفي الجاية
وأي تويوتا بترمي عليا
كفاية حبسة، نريد الفرصة
هستغلها وأروح العالمية

[اللازمة: إسلام كابونجا]
ويا بخته
اللي زميله سالك بيحبه
ده يبوس إيده ويحمد ربه
وأنا عندي زميلي ما فيش زيه
بيحبني عشاني
بيقدر
علشان شايف إن أنا بقدر
ده كل ثانية في نظري بيكبر
ماشي معاه عمره ما بيخسر
ده النص التاني

[المقطع الثالث: حلقولو]
لو فيه في شوقك حاجة إعملها
كرفت فكرفتك كملها
عشان مش هحل ورد الفعل
حاجات مش ولابد، هتكرهها
‫هديك سمبوكسة في Your face
وهشنع بالشغلة على الفيس
عشان تعرف تقعد تكرف
وهعرفك إن إنت رخيص

[اللازمة: إسلام كابونجا]
حابسيني
مظلوم، بس أنا هنا إكمني
كل الدايرة بتخلع مني
أنا فعلاً لسه صغير سني
بس جانن أمم
برغازي
خبطته سم ومش ملياسي
باجي ع الغرب، ما أجيش على ناسي
طلعتي حلوة وقلبي فولاذي
إسمي نار ع العلم

[المقطع الرابع: حلقولو]
غربال جابت إتنين عمالقة
جابت زينة شباب المنطقة
حمو التوأم، حودة التوأم
بيفوزوا بأيها معركة
حودة التوأم بيقول هانت
وهترجع الدنيا زي ما كانت
وهيطلع حمو التوأم
عشان بجد واحشني جامد

[اللازمة: إسلام كابونجا]
ولا، لو تعرف
نفذ وما تقعدش تخرف
بطل ع الفيس يا زمالة تكرف
إنت مخصم حد يشرف
مش عيل جلب
لو جاهز
نلعب جولة بكل نزاهة
كل الناس هتكون شايفاها
إنت رميت نفسك في متاهة
وإسمك إتشطب

[المقطع الخامس: حلقولو]
لا ده مكاني ولا دي حياتي
أنا نفسي أرجع وسط إخواتي
ليه محبوس؟ خدوا فلوس
خدوا كل حاجة وعدوا أوقاتي
هي رجولتي سبب حبستي
عشان جدع شيلت قضيتي
لا تخصني ولا تمسني
ولا الحتة ديت حتتي

[اللازمة: إسلام كابونجا]
سعروني
بصوا في طلعتي وحسدوني
بسبب جدعنتي إتحدوني
التيار علي فحبسوني
خايفين لا أقطعهم
يا خسارة
حظي وقع في صحاب غدارة
خلق عيونهم طقة شرارة
كانوا ماشيين على طارة وطارة
والغدر مبدأهم

[المقطع السادس: حلقولو]
كلمة حب عليكي شوية
يا أجمل بت شافتها عينيا
يا منجاية، يا بطاية
‫أنا حبي ليكي ٢٠٠٪
شعرك أطول ولا لسانك؟
أنا فعلاً معجب بجنانك
يا حبيبتي، يا خطيبتي
أنا لازم أكون أبو عيالك

[اللازمة: إسلام كابونجا]
أرجوكي
قولي لأمك أو قولي لأبوكي
إننا جايين هنا ناخدوكي
وهعيشك عيشة ملوكي
يا منجاية قلبي
تربيتك
هي اللي جابتني لباب بيتك
من أول نظرة أنا حبيتك
وأنا جايلك عشان أطلب إيدك
خلاص يا بنوتي

[الخاتمة: حلقولو وإسلام كابونجا]
غربال
بلد الرجالة والأبطال
واحد بس يقوم بمجال
أجدع جيهة في الكون غربال
مصنع طلع فرسان
غربال
أرض المليون راجل حر
شبان أشقيا، مالهاش حل
غربال هي كلمة السر
دي منبع الجدعان
المعلم
المتعامل حمو التوأم
لو يتكلم كله بيكتم
اللي بيحكم وبيتحكم
أخويا حمو التوأم
والمجرم
المتخطر حودة التوأم
عمره ما خاف مرة ولا إستسلم
لوحده يتعامل ويترجم
أستاذ في الإجرام
مطروش
شاب لوحده يروح في جيوش
بيعلم على وش وحوش
بيروح في النار والخرطوش
المتعامل أحمد بكر
الشقي
ع اللي يقل معاه مش باقي
حمو بكر السد العالي
سكينته أخطر من الآلي
الشقي حمو بكر
الفاقد
زياد فراج أبو قلب قاعد
على أرض صلبة واقف ثابت
بيتجبرت على أيها جاحد
أخويا زياد فراج
زلزال
على حس الباشا الچنرال
عبده فراج السندال
إسمه لوحده يساوي مجال
الكينج عبده فراج
الشاب
حودة أبو زيد العصبي القلب
لو يزعل وقتي تقوم حرب
والسيطرة فراج أبو فهد
في جيش بحاله وراه
الشغلة
خلصانة من أجل حمو بذرة
قلبته وحشة ومطوته خطرة
وبلال التوأم سكينته حاضرة
مين جاي بشر معاه؟
تخلص
لأجل الچنتلة بلال أونص
لو قال كلمة لازم تتنفذ
وزياد الإيراني لما يقفز
ما حدش بيجي معاه
السيطرة
حمو حشيشة ده شاب إدارة
يخلص أي حكاية بإشارة
حمو حشيشة أخ وزمالة
مشرف دايرته
يا حديد
قرب كل غريب وبعيد
أحمد فراج ده واحشني أكيد
ده يوم رجوعه هيكون عيد
ربنا يفك ضيقته
حلقولو
نجم الموال، حملة بطوله
الدبابة جي، وسعوله
فيجو الدخلاوي ثابت حضوره
ده أستاذ في التوزيع
ديشا المصري
كلامه أصلي الأصلي وحصري
وليد لمبادا إدارة ع الدغري
يوسف القناص والكيشو إدارات
أدائهم بجد فظيع
والجعفري
دبابة الميديا المفتري
حودة العفريت بيضرب ناري
إحنا فريق قوي وإنتحاري
بشهادة الجميع