Khaliha 3la Rabi | خليها على ربي

[Paroles de Balti "Khaliha 3la Rabi | خليها على ربي"]

[المقطع الأول]
مخنوڨ تحب تصيح و حد ماهو حاسس بيك
وراقك هازها الريح تحب تاقف على ساڨيك
تحب ترضي ربي و تحب ترضي والديك
تحب تلم تعبي أما ما لڨيتش في يديك
تحب تتكلم تڨول: "مانا ڨلنا الحالة مالا
"احنا نلمو بمغرفة هوما يلمو بالبالة
تحب تفرح الشايب، العزوزة و الخالة
قريت، قريت، قريت، ما لڨيت كان البطالة
غارڨ في كريديات، حومة غارڨ للعنكوش
مديرين فالبيروات، ما رباو كان الكروش
في بلادي ما سمعكشي، يحبوك تعيش بكوش
لا خالط على دويرة، لا مرية، لا باكو كوش
المرية إلي حبيتها إلي تمنيتها في الحلال
ڨعدت تمني فيها غدوة تتبدل الأحوال
كنتو راي و موجيرة يخي كلاهالك كوال
و الدنيا طرح شكبة في طاولة ڨسمتها رجال

[اللازمة]
!في بلاد التارارني خليها على ربي
!حومة ڨول معايا و غني خليها على ربي
!ربي ما يخيبلي ظني خليها على ربي
!بايت ماكش متهني خليها على ربي

!خليها على ربي
!خليها على ربي
!خليها على ربي
!خليها على ربي

[المقطع الثاني]
فالبلاد حابسة و تمركي و الدولار ماهوش يدور
ذيب نسناس و لا صيد بارك بيناتهم لازمك سنڨور
في بلاد البص و الفيس يا حومة لڨيت روحك محڨور
تحب تڨلب المناظر: يا الطيارة يا البابور
طيح تنفض سروالك تاڨف تحب تعمل مشروع
ما لڨيت كان إلي ... ما يحفر كان الجربوع
ما سالوش على أحوالك، من أڨرب الناس ملكوع
خلي ربي في بالك يا حومة الطايح مرفوع
تحب إنت و المرا تعيشو أمير و أميرة
إنت على موبيلات، هي تحب الباناميرا
هي بدلت اللحير و إنت بدلت اللحيرة
هي طاحت (...) و إنت طحت بفقيرة
تخزر للمرايا تشوف في راسك الشيب
معبي راسك شيخة أما ماعبيتش جيب
بين الناس أذية حومة ما لڨيتش نصيب
و الدنيا مرة بمرة، مرة تصيب و مرة تخيب

[اللازمة]
!في بلاد التارارني خليها على ربي
!حومة ڨول معايا و غني خليها على ربي
!ربي ما يخيبلي ظني خليها على ربي
!بايت ماكش متهني خليها على ربي

!خليها على ربي
!خليها على ربي
!خليها على ربي
!خليها على ربي

[المقطع الثالث]
ناس المخنوڨة تستنى في نفس جديد
في بلادي الأحلام مسروڨة تشوف في المستقبل بعيد
سردوك و عشرة عتوڨة لميتونا عبيد
سرڨونا بدوڨة بدوڨة، هما ملوك و احنا عبيد
لا ربي يخليها مدام حاميها حراميها
ماليها تكلم ماليها مدام الشايب فينا منسيها
الرخ لا لا لا لا لا لا لا
الرخ لا لا لا لا لا لا لا

[جسر]
(في بلاد التارارني) في بلاد التارارني
(حومة ڨول معايا و غني) حومة ڨول معايا و غني
(ربي ما يخيبلي ظني) ربي ما يخيبلي ظني
(بايت ماكش متهني) بايت ماكش متهني

[اللازمة]
!في بلاد التارارني خليها على ربي
!حومة ڨول معايا و غني خليها على ربي
!ربي ما يخيبلي ظني خليها على ربي
!بايت ماكش متهني خليها على ربي