Kelma Le Ay Wahed Hayfakar - كلمة لاى واحد هيفكر

[المقدمة: هادي الصغير ومصطفى الجن]
كلمة لأي واحد هيفكر
يرسم دور الرجل الأخضر
عم المظبوط والمتخطر
الأسفلت إشتكى من الكدب
عايشة في دور مارلين مونرو
جسمها كله عليه تاتو
عاملة كيوتة، بتقولي إمبو
علشان شرقانة يا بيبي
ياو، أمجد الچوكر

[المقطع الأول: هادي الصغير]
لو جي منك شد قناعك
قبل ياض بالكلب بتاعك
مطوتي هتطلع أحشائك
أنا طالبك جولة يا خصمي
قلبك ضعيف، إركن ع الدكة
وبلاش يا هلس تجيلي على سكة
ده أنا هبة مني، الصواميل فكة
وفي قلب النار رامي جسمي

[المقطع الثاني: مصطفى الجن]
إنت بطل في حالاتك الطارئة
حاطط إستيكر يضرب طلقة
عيل ني وقلبك ورقة
في الشارع ما بشوفلكش
سيب تليفونك اللي مقويك
ما تفكرش إنه هيحميك
أنا لو شفتك هلعب بيك
بسبب آيفونك التاتش

[المقطع الثالث: هادي الصغير]
كلمة لأي واحد هيفكر
يرسم دور الرجل الأخضر
عم المظبوط والمتخطر
الأسفلت إشتكى من الكدب
هدوا اللمبة عشان مش طالبة
اللي يعيشها هزيحه في تربة
زي ما تيجي معاكو، مش فارقة
مرحب بيكو، مين جي في ندب؟

[المقطع الرابع: مصطفى الجن]
دولة بولاق الدكرور جارحة
مطاويها موت، في الأخصام سارحة
هنا تمشي يالا بعباية وطرحة
لو يوم عملت علينا عريك
ما بيشغلوش ولا كترة وعدد
مين اللي يجي مع عم البلد؟
اللمبي يالا عثمان أبو سند
تنكشه على طول يديك

[المقطع الخامس: هادي الصغير]
المطوة اللي بتكرف بيها
لو جيت مش هتروح بيها
إعرف حجمك لا أديك فيها
ما باكلش أنا من التكريت
أنا لو شفت سلاح على إيدك
من على وش الأرض هبيدك
لم علينا يا رب عبيدك
مين فيكو هيجي في تنطيط؟

[المقطع السادس: مصطفى الجن]
أخصامي عارفة تمامها معايا
يشوفوني بيقولوا كده في جناية
أنا مش بمشي بجارد ورايا
أنا بمشي بسكينتين
جايباني من غير ما إنت تقولي
من غير لا شرطة ولا إتنين مللي
جمد قلبك وإوعى تجلي
وريني بقى آخرك فين

[المقطع السابع: هادي الصغير]
ست الحسن اللي إنت عارفها
كارفة عليك، بتجيلي بكرفها
يالا ما تحلفنيش بشرفها
ما تشيلنيش الذنب
وغلاوتك مش متربية
بتروح بيتها الفجرية
من الأفتر طالعة ومعمية
على غيرك رامية الهلب

[المقطع الثامن: مصطفى الجن]
عايشة في دور مارلين مونرو
جسمها كله عليه تاتو
عاملة كيوتة، بتقولي إمبو
علشان شرقانة يا بيبي
بطلي تيجي وترمي بلاكي
يا اللي الناس كلها عارفاكي
كل يومين راكبة في ملاكي
ليلة مصري وليلة خليجي

[الخاتمة: مصطفى الجن]
معروف عثمان أبو سند تقيل
اللمبي مش شايف هلاهيل
صابر عثمان على حقه قتيل
هيجيبك من بطن أمك
يوسف عثمان مش شايفلها
أخصامه دايس على وشها
المطوة قدامه فتحتها
في ثواني يسيح دمك
تعمل بطل هتخش في ورطة
تاخد في وشك يالا كام خبطة
مين في البلد حمل الخال سلطة؟
الخال ما يشغلهوش أشبال
دخلاتكو دي قديمة، ما تنفعشي
ولا تاكلوا ولا تشربوا مع محشي
شارعنا في الحرب ما يرجعشي
عبد المجيد موسى الأبطال
فراقه صعب عليا أكيد
يا رب قرب بقى البعيد
أخويا ياسر ورا الحديد
بس ما غابش عن البال