Kaddaba - كدابة

[المقطع الأول]
كدابة
مليانة عيوب طبعك قلابة
بتعيشي في دور إنك متسابة
أستاذة في التمثيل
واخدة شهادة وتوكيل
بتخبي وشوشك وبتتداري في وش غلابة
نساية
ناكرة الأيام الحلوة معايا
مش بنت أصول ولا فيكي مزايا
شخصياتك أنواع
هايلة في فن الأوجاع
وخلصت أنا منك آه خرجتك من جوايا

[اللازمة]
وأنا متبرعلك باللي ما بينا تعيشي عليه
شوفي يلا طريقك وإمشي لوحدك كملي فيه
قلبي المكسور أنا هعرف عادي بنفسي أداويه
ولو اللي ما بينا في يوم جيه في دماغك تنسيه
وأنا متبرعلك باللي ما بينا تعيشي عليه
شوفي يلا طريقك وإمشي لوحدك كملي فيه
قلبي المكسور أنا هعرف عادي بنفسي أداويه
ولو اللي ما بينا في يوم جيه في دماغك تنسيه

[المقطع الثاني]
شكاية
وكلامك كله كإنه رواية
بتألفي طبعاً ألف حكاية
وبتعملي فيها ملاك
بتقولي مظلومة معاك
طب يلا يا مظلومة إتفضلي هرميكي ورايا
قويتك
وتعبت عشانك وإستنيتك
ودي غلطة عمري إن أنا حبيتك
أصل إنتي ما تتأمنيش
إنسانة ما بتحسيش
وأنا اللي غلطت عشان شفتك تحت وعليتك

[اللازمة]
وأنا متبرعلك باللي ما بينا تعيشي عليه
شوفي يلا طريقك وإمشي لوحدك كملي فيه
قلبي المكسور أنا هعرف عادي بنفسي أداويه
ولو اللي ما بينا في يوم جيه في دماغك تنسيه
وأنا متبرعلك باللي ما بينا تعيشي عليه
شوفي يلا طريقك وإمشي لوحدك كملي فيه
قلبي المكسور أنا هعرف عادي بنفسي أداويه
ولو اللي ما بينا في يوم جيه في دماغك تنسيه