Juwa

[اللازمة]
آه آه هادا لوني
بضل ثابت كيف ما شافوني
آه آه, مافي خوف ما في خوف
لو ننط عن السطوح ما بنموت
محدش واقف جوا بوتي
مش عارف الطريق, اللي حفا صوتي
هادا الوجع بنفعوش بانادول
الحل الوحيد kill em all

[Synaptik: المقطع الأول]
الساحة نضيفة والدم بينقط هين الشر بيخطط كيف بدو يرتاح عالمخدة
وانا شايف خلف الديكور, ماكل كمن كف على خدي في بوز المهدة
فكرك ظرفي بيكلبشني؟ فكرك مع خوفي بعمل هدنة؟
احنا ربينا انو الرغيف صعب عمي، بنتعب لاجل اللقمة
وهس الصح، انزل طخ بالأعداء، بركض عكس الأعداد
هسا النص جوا المطبخ بالإعداد
كلكو ولاد، وأنا بدي اصير زلمة
اصرف عحالي من هالغناني
وأنا بس هيني بلاطش، حمارن ودايما برافس
الدنيا انفاس ومنافس, ومش ملاقيلي منافس
ولك دايماً جاهز، أعمل عرس في العزاء
لأجل الوالد، رح اعمل معنة لهلعناء

[اللازمة]
آه آه هادا لوني
بضل ثابت كيف ما شافوني
آه آه، مافي خوف ما في خوف
لو ننط عن السطوح ما بنموت
محدش واقف جوا بوتي
مش عارف الطريق، اللي حفا صوتي
هادا الوجع بنفعوش بانادول
الحل الوحيد kill em all

[Synaptik: المقطع الثاني]
وامي قالتلي دير بالك من الغيرة
كانوا كثير قراب علي، فمخاسري كبيرة
بنتعلم من الدروس كيف منجيبش سيرة
نتوقع مين لصوص، كيف نطاطي وكيف نبوس
وهسا الصح اقطع روس، الشب انجن عند الروس
وشب انغل لما ضلو نفس محلو وانا بفوز
خامش مرة السنة هاي، انا نازل عبيروت
عندي سكيلز، وعندي فيوز
دصير اكبر من فيروز
ولسا الطريق طويل إذا كل مرة بدو واحد ينشر غسيل
عمرنا ما رح نوصل لأي مكان بعيد
دغير كل التضاريس، اعمل جبل في هالوادي نهر اسقي الكل
نتفة من احلامي ولك هادا الحوت عنيف
بدير بالك لا تتطرطش، ضلك على الرصيف

[Shouly: المقطع الثالث]
تعا خدلك لفة جوا راسي الي ما بغفي
تراما طالعة نازلة ترامادولك ما بكفي
وين حصفي؟ لو ما عبرت عن نفسي؟
قلل من صلاتهم علم روحك كيف اتصلي
مبرمجين معلمين معرمين
أشعار، شعارات، شيوخ وحاكمين
انتو السين انتو واحنا الجيم احنا
وجايين معنا اوكسجين
الراحة صفر فالإنتاج عالي
عشت عمر بحاول أكون إنسان عادي
بس أنا اشي خارق، أخرق بخزق قارب بغرق
قبل اليوم الي بحاول أكون زيهم ازرق
أنا زي السما واسع - قلبي دافئ بس شكلو الحب مش كافي
الشولي بعيد جغرافيا عن القلق بس لسا قلق
شمطت كاس من انسطلت وما وقفت

[اللازمة]
آه آه هادا لوني
بضل ثابت كيف ما شافوني
آه آه، مافي خوف ما في خوف
لو ننط عن السطوح ما بنموت
محدش واقف جوا بوتي
مش عارف الطريق، اللي حفا صوتي
هادا الوجع بنفعوش بانادول
الحل الوحيد kill em all