Jump W Natet - جامب ونطيت

[المقدمة]
(چامب ونطيت، منهم شديت)
(واحد بسلاحي عطيته خبطة)
(والتاني خد زغدة وكام نكتة)
(والتالت رن على الشرطة)
أيوة، إنت بتعرف تحفر وأنا بعرف أدفن
يعني مطرح ما هتحفرلي هدفنك
أفيجو يا دخلاوي، إسلام حمودة بيقولك
إبعتهاله من مينا البصل، ها
فيجو الدخلاوي

[اللازمة]
بسحب وبروح وبشد الروح
من جسم الخصم، بموته
وبخلي حريمه يصوتوا
أنا مجرم والموت شغلتي
مسجون مجنون وسلاحي مسنون
والضربة بتاعتي توقعك
روح بلغ اللي مشجعك
لو خدتك صعب أرجعك

[المقطع الأول]
روح إسأل عني يا مستلوح
ليه بتغمز نفسك وتبجح؟
أنا شكلي كده هسمي وأدبح
يا خروف جيهتك، يا إبن الحولي
حظك واقع مع متوحش
لو طولتك هاكلك وهفنش
دمك على وشك ده هيطرطش
هاكلك زي اللب السوري

[اللازمة]
مينا البصل جيهة الحمل
أرض الجلاء فيها أساطير
في عزبة الباشا إوعى تطير
في جيهتنا الغلطة بتعوير
عاملين زلزال عشان السندال
إبن الجيهة إسلام حمودة
فرحته نزيهة ومظبوطة
كل الأخصام هنا مخبوطة
إسمع يا إبنها، دي الجيهة كلها
خافت مني أول ما سحبت
كلها ولعت الأسفلت
ورسمت الخط على الأرض
اللي يعديه هخبطه وأديه
بسن الغدارة على رقبته
وهمشيه بدمه على تيشيرته
وهيرجع زاحف على جيهته

[المقطع الثاني]
في جراوي كتير متخطرة
من عوجة كاب المسطرة
بالجرار والكام سلسلة
ماشيين يتدنجلوا بكتافهم
الولا من بصة بيندبك
وتكشيرة وشه بتشتمك
ويجسك علشان يضربك
دي عيال نتنة وأنا عارفهم

[اللازمة]
إصرفوا وإكرفوا، ليه بتطرفوا؟
وإنتو بتعرفوا بس توانسوا
اللي هقابله فيكو هكامسه
ومسيرنا في صدفة هنطصوا
اللي يقابل التاني حلال ع التاني
والضرب هيبقى ع العضم
أنا عامل عرض عليه خصم
خبطة وعليها خبطة يا خصم

[المقطع الثالث]
وأنا ماشي فاصل، شارب كوز
وشي مكشر ولاوي البوز
بقول أنا ليه مش محظوظ؟
وكان نفسي أقابل أخصامي
لسه ما كملتش كلمتي
لقيتهم فجأة في سكتي
فركت، باخد خطوتي
فلقيتهم ساحبين قدامي

[اللازمة]
چامب ونطيت، منهم شديت
واحد بسلاحي عطيته خبطة
والتاني خد زغدة وكام نكتة
والتالت رن على الشرطة
ويوا ويوا ظباط، بيقولوا خد ياض
كام مخبر راحوا جريوا عليا
شغلت معاهم رجليا
وخلعت من الشغلة في ثانية

[المقطع الرابع]
فنزلت أقضي عشان خرمان
على لحم دماغي وتعبان
رحت للولا جاتا چوان
قلتله هات حتة ومسيني
أنا خدت الحتة التمسية
رنيت ع البت العسلية
قالتلي إطلع عندي شوية
قلتلها جايلك، إستنيني

[اللازمة]
وطلعت قعدت، فركت، شربت
قلتلها إرقصي يلا يا مانجا
راح قالت شغلي كابونجا
طلعت صافينار بت الجامدة
(جامدة، جامدة)
ولقيت تخبيط على باب البيت
من العين السحرية ببص
فلقيت أمها وأبوها بس
والبت كات لسه شغالة رقص

[المقطع الخامس]
نطيت من شباك المنور
ووقفت أتفرج وأصور
نور الشقة أول ما نور
قالها أبوها خدتي كام منه؟
طلعت عيلة زفت وطين
وأبوها رافع القرنين
وأمها ماشية مع إتنين
البيت ده لازم أبعد عنه

[الخاتمة]
مينا البصل، مينا العسل
أرض الجلاء أحلى إخوات
عزبة الباشا فيها بابات
في عركنا بنحدف طلقات
كله إتجمع، لازم تولع
عاملين دكن جوة جيهتنا
إسلام حمودة هو عريسنا
إحنا بجدعنة إتصيتنا
حسن حمودة شاب نزيه
إخواته بيتشرفوا بيه
فرحان من قلبه عشان أخوه
في الجدعنة لا يعلى عليه
شريف حمودة باشا البلد
أخ رجولة وضهر وسند
كلها تشهد على رجولته
ثابت في مكانه زي الأسد
أحمد السيكا هتخصمه
وشك يالا بالطول يقسمه
قدامه يا إبني بتقف صنم
كلكو منه بتتعلموا
تنكشه وشك يعمل بوم
وهتغرق وتعوم في الدم
اللي بيرعب أيها بطل
الفخم هو حمو النجم
أشرف الإتحاداوي سندال
بطل على كل الأبطال
لو قلنا أشرف الإتحاداوي
ده إسمه يابا يساوي مجال
والأسطورة ده حسن أبو جنة
واقع في حكاية إديله رنة
حسن أبو جنة ده أخ يشرف
وإسمه اللي صيت مجالنا
في العركة ما حدش بيحوشه
هيقطع خصمه وجيوشه
الإمبراطور فيكي يا دولة
المتصيت حمو النوشو
حمو الكوارشي يابا أفندينا
متصيت على أي مدينة
حمو الكوارشي سلاحه حاضر
لو تسحب قدامه سكينة
المزاجنجي مزاجه عالي
الإسم دهب والصيت غالي
المزاجنجي ده نجم السهرة
إضربله بروجي، إضرب ناري
إسلام كابونجا يابا الدبابة
جندوفلي أصلي أصلي البابا
مانو الجاحد جاحد الكتابة
فيجو الدخلاوي رئيس العصابة
أحلى إدارة مصطفى دولسيكا
يوسف القناص ووليد لمبادا
يوسف القناص ووليد لمبادا