Johnny Lad

Oh, ken you my love Johnny, he'd doon on yonder lea
He's lookin' and he's joukin' and he's aye watchin' me
He's pu'in and he's teasin' but his meanin's nae sae bad
Gin it ever gaun tae be, tell me noo, Johnnie lad

Chorus:
Tell me noo, my Johnnie laddie, tell me noo me, my Johnny lad
Gin it ever gaun tae be, tell me noo, Johnnie lad

When the sheep are in the fauld and the kyе are in the byre
An' ithеr lads an' lassies sittin' roond a roarin' fire;
There's me, a glaiket lassie, just like's gin I was mad
Through the nooks and barley stooks, jinkin' you, Johnny lad

Chorus:
Jinkin' you, my Johnny laddie, jinkin' you, my Johnny lad;-
Through the nooks and barley stooks, jinkin' you, Johnny lad

O Johnny's blythe and bonnie, he's the pride o' a' yon lea
And I lo'e him best o' ony, though he's aye teasin me
Though he teases me an' squeezes me and tickles me like mad
Nane comes near me that can cheer me like my ain Johnny lad

Chorus:
Aye, it's you, my Johnny laddie, aye, it's you, my Johnny lad;
Nane can tease me an' can please me like my ain Johnny lad

O Johnny's nae a gentleman, nor yet he is a laird
But I would follow Johnny lad although he was a caird
O Johnny is a bonnie lad, he wis aince a lad o' mine
An' I've never had a better lad, though I've had twentynine

Chorus:
An' wi' you, my Johnny laddie, an' wi' you, my Johnny lad
An' I'll dance the buckles off my shoon wi' you, Johnny lad