İxlas

[1-ci Hissə]
Əvvəllər böyük dairə kimi, bir ailə kimi
Amma get-gedə dustaq kimi
Həyatım ciddi rejimli zondu elə bil
Kitabım bağlanır sondu elə bil
Məsləhət verənlərim tonla, hamısına bir quş
Hamı üçün yaydı mənim üçün yenə qış
Yıxılırdım mən, əl uzadan yox idi
Ağlayanda ətrafımda gülən çox idi
Zibil yeşiyim ağzına kimi dolu ümidlə
Gözümü bağlamağım və açmağım zülümlə
Özümlə özümə elan etdiyim müharibədi yenə
Həyatım müsadirədi yenə
Heyif ki yenə salınır təxirə mənim ölümüm
Bununla yenə də davam edir ömrüm
1-0-3, kümək edin həvəs ölür
Əlində ülgüc hamam otağında ölüm

[2-ci Hissə]
Ailə dağılır, kim hara, tək özünü vur ora-bura
Küçə mənə qarşı, qafiyə mənə qarşı
Uğur mənə qarşı, taleyim mənə qarşı
Çox yıxılıb durmuşam bu dəfə də duraram
Müharibə davam edir, müdafiə quraram
Sözümü edib güllə hədəfi güllələyərəm
Ətrafımda ağlayan olsa ürəkdən gülərəm
Bilərəm kim mənə yaxın, kim uzaq olub
Kim mənimlə uduzub, kim udan olub
Kim qanmayıb, fikrimi tutan olub
Kim öldürən məni, kim yaşadan olub
Filmin yaxşı sonuna yenədə ümid edirəm
Öz işim naminə şeytana rüşvət verirəm
Etibar itib, etibar bilən gəlib
Sökülmüş evin hasarını tikən gəlib

[Körpü]
Şəbi-hicran yanar canım, tökər qan çeşmi-giryanım
Oyadar xəlqi əfğanım, qara bəxtim oyanmazmı, oyanmazmı

[Sonluq]
Hər səhər oyanıb ümid edirəm ki
Bəlkə bugün dünəndən yaxşı olacaq
Amma yenə də hər axşam başa düşürəm ki
Dünən bugündən qat-qat yaxşı olub
Bir günlə yaşayıram, bu günümlə
Çünki sabah, çünki sabah olmaya da bilər!