Imong Bayani

Di ko man
Mahimong ihatag
Ang langit ug ang yuta
Kanimo magmatinud-anon
Ug kanunay kang higugmaon

Ikaw akong panalipdan
Akong kusog alang kanimo lang
Kaugalingon ko akong gisaaran
Ako ang taming mo ug hinagiban

Ako ang imong bayani
Sa kangitngit ug kahayag
Ang imong katambabayong
Sa kahuray ug kalisdanan
Karon, unya ug ugma
Hangtod sa kahangturan

Di ko man
Mahimong igasa
Ang kalibutan ug ang tanan
Kanimo magpaulipon
Ug kanunay kang amomahon

Ikaw akong panalipdan
Akong kusog alang kanimo lang
Kaugalingon ko akong gisaaran
Ako ang taming mo ug hinagiban

Ako ang imong bayani
Sa kangitngit ug kahayag
Ang imong katambabayong
Sa kahuray ug kalisdanan
Karon, unya ug ugma
Hangtod sa kahangturan

Ikaw ang hinungdan
Kasingkasing ko dili mapugngan
Imong ngalan
Gipitik ning akong dughan

Ako ang imong bayani
Sa kangitngit ug kahayag
Ang imong katambabayong
Sa kahuray ug kalisdanan
Karon, unya ug ugma
Hangtod sa kahangturan