Il giardino nascosto

[Testo di "Il giardino nascosto"]

Ogni minuto che passa
Eh no, nun ce basta
Ogni mumento 'e stanotte
M’aggia arricurdà
Chistu giardino annascuso
È tutto d''o nuosto
’Ncopp''a 'nu lietto addiruso
Me voglio cuccà

Chistu giardino annascuso
È 'na trappola d'oro
Ce stanno buono l'aucielle
Che sanno cantà
Chi 'ncopp’’e fili d'’a luce s'accova
Sape chiù 'e chello che dice
Ma nun vo' parlà

Quanto sei bella accussì
E je nun te voglio scetà
Si comme ’o mare
Quando me vene a piglià
Tengo 'na cosa pe' te
Nun l'aggia manco cercà
È l'onna bona
Chella che vene e che va

E si vulammo luntano
Fernuta 'a stagione
Chistu giardino annascuso
Lassasse pe' te
Ccà se sta buono
Ma tieni ragione
Nun se po' dicere niente
Senza sapè

Quanto sei bella accussì
E je nun te voglio scetà
Si comme 'o mare
Quando me vene a piglià
Tengo 'na cosa pe' te
Nun l'aggia manco cercà
È l'onna bona
Chella che vene e che va