İçdim Şərab

[Nəqarət]
İçdim şərab, halım xarab, bağrım kabab
Sinəm xəzinə, təbim sığmaz saxsı qaba
Canım yanar, yanılaram, yanıltmaram
Mən boş tütəyəm, Tanrı üfürə, səs çıxaram

[1-ci hissə]
Mən tərs insanam, hər bir səhvdən dərs çıxaran
Dərk etmişəm, sabah yoxam, bu gün varam
Sənət hara, şöhrət hara, pul, güc hara ?
Kainata dairə vurub dövr elədim ulduzlara
Zərəri çox olanın sənəti yox
Səbəbi çox, tutur hərə bir yol
Kimin imanı çox, ölçü, tərəzi yox
Kimin inadı çox, hədəfə tələsir o

[Nəqarət]
İçdim şərab, halım xarab, bağrım kabab
Sinəm xəzinə, təbim sığmaz saxsı qaba
Canım yanar, yanılaram, yanıltmaram
Mən boş tütəyəm, Tanrı üfürə, səs çıxaram

[2-ci hissə]
Düşmüşəm elə bir sehrə, çıxmaq olmur
Çıxmışam elə bir seyrə, düşmək olmur
Bu o düşmək deyil, çıxıb düşmək pilləkəni
Başa düşən düşür səssiz, düşməyənlər dilə gəlir
Qərq olduğum dənizin dönüb oldum dalğası
Könül verməyəndən sonra çətin ağıl alası
Ağı-qarası, həyatın ağır havası
Sözümün canı olur məna və avazı
Düzü haradan götürmüsünüz qoyun yerinə
Düzü, qoymusunuz bizi qoyun yerinə
Yaxşını götürüblər, pisi qoyub yerinə
Pisi qoyub yerinə, izi qoyub gedirəm

[Nəqarət]
İçdim şərab, halım xarab, bağrım kabab
Sinəm xəzinə, təbim sığmaz saxsı qaba
Canım yanar, yanılaram, yanıltmaram
Mən boş tütəyəm, tanrı üfürə, səs çıxaram