I Remember - بتذكر

Illiam (PS) - إليام & The Synaptik - السينابتيك

Download "I Remember - بتذكر"

I Remember - بتذكر by Illiam (PS) - إليام (Ft. The Synaptik - السينابتيك)

Release Date

Tue Mar 05 2019

Performed by

Illiam (PS) - إليامThe Synaptik - السينابتيك

I Remember - بتذكر Lyrics

[المقطع الأول]
مش ناسي لبس العيد واحنا عالطريق
بعرف كل بالتفاصيل غير حق البنزين
كنت صغير ابن ٩ سنين كنت منيح
بالكاست عبدالحليم ابنك زي المسيح
اول مرة افتح نت واكتب العاب فلاش
او ترافيان واشغل مين ارهابي لفرقة الدام
اول مرة اصاحب اول مرة امسك ايد
صاحبنا عالمسنجر تركنا عال بيبي
اغاني الامتيفي بشوف بنات الالبسي
اخوي كان عندو وك مان وانا شريت امبثري
اول مرة اكسر ايد واتحسس الجبصين
اول مرة انط من السور لاني بكره التعليم
اول مرة اسافر ترانزيت اشوف مطار واطير
كنت بلف مع السياح سايح متل الايسكريم
كنت احب دور الفك بوي انا مش حبيب
وبفهمش الاشيارة بقطعها انا مش لبيب
اول ضربة جرس او فرصة اول مقصف
ترميش الشنتة ع الارض لانو فيها مصحف
اول طالب بسمع الدرس لانو اسمو احمد
هلا الوضع تغير صار صعب نضحك
وهلا بكتب بس لاني قادر اتذكر
كل ما اكبر بتغبش ولا عمرها وضحت
لو ماحسيت الاشي تقدر تسكر المقطع
كل ما تفكر فيها بتكفر فيك وبتفضح عرضك

[المقطع الثاني]
تربيت لحالي طول عمرنا بالشتات
بنفس السنة تغربت تلت مرات
ولاد ناس ربينا حالنا نكون زلام
ضهري الوحيد بالدنيا هو ال اي ام
بمكان بحكوش لغتي وما كان في صحاب
وجاري مات برجل طاولة براسو فاتو كسرو الباب
والله كم مرة ضربت ناس من الخوف من
الموت مان كم مرة طلعت من ايدي سنان
من عيلة صغيرة بقدرش اتحما بناس
كلشي عملتو لحالي ماشفتش الواسطات
كنت اشوف القادة الهم الملناش
لحد ما صار لساني حاد وقادر يجرحك ب شاش
بعرفش شو بصير بس بكتب وانا بغفى
عندي قدرة بخلي الناس تحكي خاوة عنها
متل كل مايحكو انهم فاشل انسى
بدهم يصيرو زيك مش قادرين .....

[المقطع الثالث: السينابتك]
بتذكر كنت اهبل، بتعلق بسرعة وبثق
بتذكر وجع، خيانة، وتراكم خيبات الامل
بتذكر كنت اثور عحالي، اروح اعاقب جسمي
حبتين ريتالين عالريق شطفهم بكاس الوسكي
بنيت قصر بالتوتر، مفيهوش شباك
كنت اتذكر شكل النور كل ما اخلص تراك
وارجع احس عاطل، قبل ما اطفي فروتي
بتحاور مع الخاطر، بقنع بروحي تموتي
وسنين مرت، مش عارف انا عديت او
طفيت ضو، خبيت لو، بين سطور كلها كذب
عبيت جو، نسيت حالي قدام الجمهور
انو اول واحد واقف بالطابور
هو الشيخ عو، بستنى الناس تروح
لياخد الحساب، كاش، من الروح
عالعقد مكتوب، وتوقيعي موجود، بالدم، مختوم بالهم
في فترها كنت مستعد ابيع كلشي لانضم
لشيء اكبر مني،
البحر ازرق مني
ربينا على الابيض
هربنا على البني
وبعينين الكل ناجح
‏بس بيني وبين حالي
‏ناقصني بعد ربع
‏لاعبي ربعي الخالي
كثير صعب لما افكر انو امي بتسمع
فلذلك كل السابق، كان مزح فقط
هي الشهادة بالجرار جمبها كوم مصاري
البوسترز عالجدار، بتزيد لحتى الدين سقط

[المقطع الرابع]
يمكن اكلنا نفس الاكل وغير طعم بندوق
ولانو شفنا ولاد الحارة نسينا صحاب السوء
كل حدا فينا حامل جسد مين الحامل روح
نفسي بسيرة ذاتية طويلة زي ابن خلدون
دايماً بحلم بالخلود بخاف من فكرة اني اموت
موسيقتي حتعيش بناس غيري مسميهم جمهور
لسه صغير لسه جعان و ببذل مجهود
مش حطلع من القاموس مش حصير ماموث
كنت مصاحب الكام صاحبت المايك وبستنى
كامرتي تحكي كنا لحالنا بس تنى
خطبت الورقة كمان ولو مش مسدقنا
شوف بعينك انا كاتب عليها كم مرة
وهلا بكتب بس لاني قادر اتذكر
كل ما اكبر بتغبش ولا عمرها وضحت
لو ماحسيت الاشي تقدر تسكر المقطع
كل ما تفكر فيها بتكفر فيك وبتفضح عرضك

I Remember - بتذكر Q&A

Who wrote I Remember - بتذكر's ?

I Remember - بتذكر was written by Illiam (PS) - إليام & The Synaptik - السينابتيك.