I arina mi

Intro:
Maunche Dinge san schwa zum vagessn
Er hod gsogt wir soin Sochn vagessn
De Sochn san schwa zum vadränga
Er hod gsogt wir soin Sochn vadränga
I arinad mi gean... vü schena woa...
Oba sicha ned ois… I arinad mi aun Fehler…

Def Ill:
Und i arinad mi aun jenen Tog
Wo ma a Junkie an Hunderter geben hod
Waun i eam des Vasprechen moch
Dass i nie Kinder oder a Mädel schlog
Dass i de Finger vo dem hoaten Leben loss
Dass ka Nodl mei Vene duachlocht
Und i arinad mi aun Zeiten wo de Besten nu am Leben woan und ma
Nie gfrogt hod obs ah mit ihrn Leben kloakumman
Und daun sans weg und es ist z’spät dass ma nochfrogt
Und i wünsch ma i häd die nie varotn g’hobt
Und i arinad mi: a Frau de die liebt
Kaun da hundertmoi sovü gebn wie a kraunga Trieb
Und i arinad mi wo Rap nu Unity woa
Nur woama jünga und dümmer, woas wirklich cooler zuvor?
I arinad mi mit vierzehn aun de Gschicht
Mei Leben woa wundasche, nur i arinad mi aun nix
Und i arinad mi zruck, sprich i leb ned in da Vagaungenheit
Und nimm nu an Schluck

Hook:
I arinad mi
Fehler, Büda in Rahmen
I arinad mi
Dilemma, Lügen und Dramen
I arinad mi
Gerüchte, Mythen und Sagen
I arinad mi
Missverständnisse und sinnlose Phrasen
I arinad mi
Kindheit, Hochhaus, Klanstodt
I arinad mi
Siebzehn sein, Schul‘ aus, kan Job
I arinad mi
Und i vagiss davau kan Tog

Digga Mindz:
I arinad mi aun jenen Tog
Aun dem i vastaundn hob wie weh du host
Sodass du da Frieden mit da Spritzen in die Venen jogst
Mir duads lad dassma am Ende neama g’redet haum
Obwohl wir Freinde woan und dos schon unsa Leben laung
Und i arinad mi aun jeden schenen Tog
Aun jeden meiner olten Freinde und aun Skaten in da Stodt (SAG)
Die Exekutive hod an gewissen Ruf
Polizisten kuman, fronten di und schiasn in die Luft
(Und i arina mi) imma aufm Boden zu launden
Und aun den Tod vo meim Opa und aundn Tod vo meim Onkel
I vamiss eich! (Lan mi zruck) Vasuach mi zu erinnern
Aun mei Omi und de Zeit de i vabrocht hob in da Kindheit
(I arinad mi) und dos Gefühl is nie vagaungen
Dazua reicht ka holbes Liad, dafia breucht i a gaunzes Album
I hob ned vua mein Weg ned weiter zu gehen
Denn zwischen Zweifel und Tränen is de beste Zeit in meim Leben

(Hook)