HWA ENTO BT7SBOHA EZAY? - هو إنتو بتحسبوها إزاي؟

[المقدمة]
(Shoot 'em Barakat!)

[اللازمة]
ياه، مش خَدتوا قلبي وموِّتّوه؟ إلعبوا ع المكشوف
غدارة يا دنيا الحلَّق حوش، مش هطلع بلّوش
رمرمت في حبي وقلبي الخايب إتقطَّع بالموس
إستنجِد بيّا، ما خيَّطتوش، يلّا في داهية غور
والله يا دنيا ما بيفرقليش، هتعامل وأنساهم
ربّيت في كلاب ما بتشكرنيش والشيطان إدّاهم
هو إنتو بتحسبوها إزاي؟ أصلها مش واصلة لي
وبيني وبينكو أنا إللي أستاهل، جزمتين فوق راسي، ياه

[المقطع]
وكتاب الله أنا أنضف واحد عيشتوا معاه
والله أنا عادي بس ما تجيش من دول بالذات
ما إتوقَّعتش الإستنقاص
عيب، ده إنتَ كبير
عيب، ده إنتِ معايا من الأول، شاهدة إني شقيت
إنتو بتتسابقوا عشان أرقام، ما تغور الأرقام
مش عايز أنطقها وعهد الله بس بقيتوا رُخاص
برجولة، من الأول أنا غلطان، خلّيت راسكو براسي
عايزين تتعاملوا إن إنتو أطفال، هعاملكم أطفال
يا-يا-يا بنت الناس كان إيه لزومه العذاب؟
أنا عايز حسن الخاتمة وعايز بنت الحلال
مش عايز ألوفات، أنا راضي الحمد لله
أنا عايز أمي بصحة وعايز جنبي إخوات

[اللازمة]
ياه، مش خَدتوا قلبي وموِّتّوه؟ إلعبوا ع المكشوف
غدارة يا دنيا الحلَّق حوش، مش هطلع بلّوش
رمرمت في حبي وقلبي الخايب إتقطَّع بالموس
إستنجِد بيّا، ما خيَّطتوش، يلّا في داهية غور
والله يا دنيا ما بيفرقليش، هتعامل وأنساهم
ربّيت في كلاب ما بتشكرنيش والشيطان إدّاهم
هو إنتو بتحسبوها إزاي؟ أصلها مش واصلة لي
وبيني وبينكو أنا إللي أستاهل، جزمتين فوق راسي

[الخاتمة]
(وكتاب الله أنا أنضف واحد عيشتوا معاه)
(هو إنتو بتحسبوها إزاي؟ أصلها مش واصلة لي)
(ما خيَّطتوش، يلّا في داهية غور)