Huling Buwan Ng Taon

Lumisan nung disyembre
Nang-iwan ka sa ere
Lahat ng liham ko'y tinapon
Wala man lang binaon

Ang sama mo naman

Blankong pahina
Anong masasabi ko sa kanya?
Hawig mo ang kalawakan
Bituin ang peklat sa mukhaan

Sa huling buwan ng taon

Huwag mag-alala
Hindi pipilasin ang pahina
Hayaan mo akong
Magsulat ng pinamagatang "hindi tayo."

Sa huling buwan ng taon

'di man nagtagumpay
Salamat nalang sa lahat
Bakit pa nadamay?
Sa pwersang inagos ng dagat
Bulalakaw lang ang makakarinig ng aking mga hiling
Sansinukob lang ang makakasaksi sa aking humaling

Sa huling buwan ng taon

Mananatiling alaala
Parang tatak ng tinta
Pwedeng mabura
Kung pipilitin mong ihulma

Sa huling buwan ng taon

'di man nagtagumpay
Salamat nalang sa lahat
Bakit pa nadamay?
Sa pwersang inagos ng dagat
Bulalakaw lang ang makakarinig ng aking mga hiling
Sansinukob lang ang makakasaksi sa aking humaling

Lumisan nung disyembre
Nang-iwan ka sa ere