Hes Biya - حس بيا

[المقطع الأول]
حس بيا ملي فيعني تشوف بلا ما نشرح
يما موالفة نغيب، نبات ما نصبح
حافظ طرقاني القدام والروايض فين كتشطح
نستاهل ادا بكيت وحتى ملي نفرح
وادا بغيت نوصف جراحي غنرسم بحر
مواجُ عالية وغنلون ماه بالحمر
لي قراب مني كيعرفوني بعيني كنهضر
ملي كنبغي نقول ساكت كنقدر
مزروع فقلبي ورد، شوك، أو كتر
هذا دليل ماعنديش قلب من حجر
وسري، سامعُ مني البحر
ما عمرو غيغدر خصو لسان باش يهضر
ولاف طريقي شوك خليهم يجرحوني
عليا ا يما خلعوك ما قدروش يقتلوني
طافي تيليفون وعياطك فالقلب يصوني
وبوحدك لي فهاد الكون ما شفتيش كيف ما شافوني
كتشوفيني صافي ولي داز كافي
ولفت حمامة طارت ما ولات لكتافي
قلت للريح نتا سباب جاوب نافي
كيفاش غنكون كتر من بارد اولا دافي

[اللازمة]
راني محتاجك اليوم
فاين ضايع ا فؤادي
مخيلني مهموم ما كنشوف النوم ما قادر نعيش عادي
شوف الناس كيف تلوم
بوحدي متهوم ولي باقي كولشي قاضي
الريح معاونة الغيوم تحجب عليا النجوم والليل ساكت وراضي

[المقطع الثاني]
غلطة ساوية الفلوس
مكايد حفاري كل فخ فين مدسوس
كل قلب و شنو فيه مساوس فالريوس
عديان تخطط وكولشي مدروس
خروض الشيطان النفوس
الطيبة والنية واكلها السوس
تمناو احلامك تولي كابوس
مكرفس معذب محتاج ومخصوص
بغيت نقول ا سيدي القاضي
كولشي عندو ماضي
وأنا مسمعتوش واخا عليا كينادي
قولي شكون يشوف العافية ويقبل يحادي
وأنا كتر من حاجة كانت كاتجيني عادي
ماشي اي رصاصة كانت ليا قاتلة
ماشي اي حرب تستاهل مني المقاتلة
كندفى بالنار لي بغاو تبقا شاعلة
نفتح كتاب حياتي و نشوف الورود الدابلة
نسمع الهضرة ضايرة فيها الكدوب و الصح
لي فيا وحتى لي ماشي فيا دابا كيتمسح
تحفاو الحروف فضهري مابقا لسان كيدبح
أنا لي هرست الزاج واخا عرفتو غيجرح
راهم ما عارفين والو غير سمعو اللغى
شنو ذنبي عايش كيف ما ربي بغى
خليهم يقولو ياما ومتبكيش
عليك نخصر العالم و ميهمنيش

[اللازمة]
راني محتاجك اليوم
فاين ضايع ا فؤادي
مخيلني مهموم ما كنشوف النوم ما قادر نعيش عادي
شوف الناس كيف تلوم
بوحدي متهوم ولي باقي كولشي قاضي
الريح معاونة الغيوم تحجب عليا النجوم والليل ساكت وراضي