Hekayet Hobena - حكاية حبنا

[المقطع الأول]
حكاية حبنا أنا لسه بحكيها
يا فرحة خدتني في الآخر لجرح كبير
ويوم البُعد أول مرة أموت فيها
لكن يا حبيبي من بعديها مُت كتير
حكاية حبنا أنا لسه بحكيها
يا فرحة خدتني في الآخر لجرح كبير
ويوم البُعد أول مرة أموت فيها
لكن يا حبيبي من بعديها مُت كتير

[اللازمة]
بموت لحظة ما أروح لمكان في يوم روحناه
ولما يعيدوا فيلم أنا وإنت يوم شوفناه
ولما أسمع في يوم غنوة كانت عجباك
مشاهد كل يوم قدامي أنا بتتعاد
بموت من فكرة إن إحنا بقينا بعاد
وإن الحل لعذابي إن أنا أنساك

[المقطع الثاني]
بقول إسمك تملي حبيبي في كلامي
وصوتك لسه أنا سامعه ما فارقنيش
ما بتسيبنيش وبتجيلي في أحلامي
حبيبي الوقت في بعادك ما بيعديش

[اللازمة]
بموت لما الشتا يجي بليالي طوال
وجرينا في المطر وكإننا أطفال
وكل دقيقة عشت أنا فيها يوم وياك
مشاهد كل يوم قدامي أنا بتتعاد (آه)
بموت من فكرة إن إحنا بقينا بعاد
وإن الحل لعذابي إن أنا أنساك