Harb Al Koroud - حرب القرود

[عنبة]
من صغري والقلب مشدود
سلاحي في جيوبي والطلق موجود
أسد ودخل في حرب القرود
إلزم حدودك هطرقع بارود

[عنبة]
مش أنا اللي باخد أوامر
من صغري بشاكس بغامر
مش شايفك مش بعرف أجامل
شاغلك مش ذنبي إني فاجر
مش لايق عليك الصايع
فوق يا زميلي إنت ضايع
وقعت مع فتوات
أكيد عارفنا أعمل نفسك مش سامع

[شيندي]
خنقتونا إنتوا تعبتونا
جبتولنا الكافية مرضتونا
جبتلكم ليفة أنا وصابونة تغسلوا قلبوكم
عاوزين ترمونا وتنسونا
وفي أول مشوار تبيعونا
فاكرين هنسيبكم تخوننا
لأ لأ بعدكو

[عنبة]
الحوت لما بيموت البحر بيرميه على الشط
أخرك تعيشها كتكوت وعليك هستعبط
سايبك تاكل عيش
على الضعيف مبجيش
عشان ربنا قال يا عبدي متفتريش

[شيندي]
وأنا مش مفتري ولا فنجري هقول كلام وخلاص
أنا أفعالي تسبق صوتك أسرع من الرصاص
وأنا مش مفتري ولا فنجري هقول كلام وخلاص
أنا أفعالي تسبق صوتك أسرع من الرصاص

[عنبة]
طرد لأي منافق
هفضل شاغل حارق
عمرها ما أعيشها عويل
ليه يا عويل تضايق
في نار وطلق كتير لأي حقودي بيغير
غلابة والله غلابة
هتسمعوني كتير
مش لايق عليك الصايع
فوق يا زميلي إنت ضايع
وقعت مع فتوات
أكيد عارفنا أعمل نفسك مش سامع

[شيندي]
خنقتونا إنتوا تعبتونا
جبتولنا الكافية مرضتونا
جبتلكم ليفه أنا وصابونة تغسلوا قلبوكم
عاوزين ترمونا وتنسونا
وفي أول مشوار تبيعونا
فاكرين هنسيبكم تخوننا
لأ لأ بعدكو

[عنبة]
من صغري والقلب مشدود
سلاحي في جيوبي والطلق موجود
أسد ودخل في حرب القرود
إلزم حدودك هطرقع بارود