Hani me dy porta

Jam në një han
Prej që kujtoj
S’di ku kam qenë
S’di ku do t’shkoj

Plot mysafirë
Vijnë edhe shkojnë
Dikush më parë
E dikush më vonë

Në koridor
Kujtime varë
Dikush po qeshë
Dikush po qanë

Në fund ka një portë
Për të gjithë e ndarë
Per dikë më vonë
E dikë më parë

Mirë se erdhe, lamtumirë miku i dashur
Sherbëtorët të tregojnë si duhet dalë
Udhetarët nuk kanë vend per t’u çlodhur
Mirë e dijnë se po na digjet hambari në han

Mirë se erdhe, lamtumirë miku i dashur
Sherbëtorët të tregojnë si duhet dalë
T’gjithë banorët në këtë vend janë të dehur
Nuk e dijnë se po na shembet çatia mbi han