Gat Salema - جت سليمة

[المقطع الأول]
الحياة زي الكتاب متقسم تلات فصول
وإمتحان بعده الحساب بالتفاصيل وبالأصول
والأبطال هما الناس وتدور بينا الأحداث
والأبطال هما الناس وتدور بينا الأحداث
فيها المتوقع والسهل وفيها اللي مش معقول

[اللازمة]
ويا جت سليمة يا روح قديمة إلعب بعيد
مش فيلم سيما، دي دنيا مين يقدر يعيد
بديهيات ثابتة وإسألوا رمضان يا عيد

[المقطع الثاني]
الفصل الأولاني
مالناش أي إختيارات
إسمك وأهلك نصيب
وإحنا يادوب بيبيهات

[المقطع الثالث]
ندخل بقى ع الفصل التاني وإحنا وحظنا
حادي وبادي وكاني وماني ونبدأ فرزنا
ندخل بقى ع الفصل التاني وإحنا وحظنا
حبة إيمانا يطب وحبة شيطانا يوزنا
كده في الفصل التالت إتحالت لإيدين ربنا

[المقطع الرابع]
غلاف وكام صفحة وفهرس
والعمر مدرسة وبندرس
بنط من حفرة لحفرة
والشاطر عمره ما بيغرس
وبنجري بين صفحة وصفحة
سطرين شقا وسطرين فرحة
في صورنا مرسوم مشوارنا
والشخصيات جاية ورايحة

[اللازمة]
ويا جت سليمة يا روح قديمة إلعب بعيد
عداد وبيعد وحساب عمال يزيد
والفرصة عندك كل يوم في نهار جديد
ويا جت سليمة يا روح قديمة إلعب بعيد
مش فيلم سيما، دي دنيا مين يقدر يعيد
بديهيات ثابتة وإسألوا رمضان يا عيد