Für ’ne Moment

En dä ahle Stadt, wo ich herkumm
Dämm Millionedorf ahm Rhing
Wo ming Ahne schon jelääf hann
Un ming Pänz jeboore sinn

Sprich mer'n Sprooch, die do jewaaße
Die mer övverall erkennt
Die mer'n Düsseldorf zwar "Rheinisch"
Doch em Rest der Welt "Kölsch" nennt

All ming Jedanke all ming Jeföhle
Hann ich - sulang ich denke kann
Immer noch ussjelääf oder erdraare
En unserer eijne Sprooch

Ubier, Römer un Franzose
Jottweißwer leet ir'ndjet he
Mir sinn Bastarde un stolz drop
Dat mer uss uns nit schlau weed

Für'ne Moment woor ich ahm dräume
Für'ne Moment woor ich wie hypnotisiert
Für'ne Moment woor ich ahm dräume
Für'ne Moment woor die Uhr öm zwanzig Johr zoröck jedrieht

Un ich sinn e paar Chaote en 'nem Proberaum
Zwesche Kippe 'n leere Fläsche
Ohne jede Illusion
Hühr en merkwürdije Sprooch
Total ejal wie mer se nennt
Irjendwie schingk se zo passe
Zo der merkwürdije Band

Un su manche Liter Wasser
Floß sickdämm ahm Dom vorbei
Mer sooch Weltreiche zerplatze
Nur beim Kölsch, do blevv et bei

All ming Jedanke all ming Jeföhle
Hann ich - sulang ich denke kann
Immer noch ussjelääf oder erdraare
En unserer eijne Sprooch

All ming Jedanke all ming Jeföhle
Hann ich - sulang ich denke kann
Immer noch ussjelääf oder erdraare
En unserer eijne Sprooch